And he answerde raþere than I lese
Constance I wele ben cristened douteles
I mote ben hers / I may non oþer chese
I prey ȝow holde ȝoure argument in pes
Line 228
Sauyth myn lyf & beth nat recheles
To getyn here that hath myn lyf in cure
ffor in þis wo I may not longe endure
Line 231
What nedyth grettere dilatacioun
I sey be tretys & enbassadrye
And bi þe popis mediacioun
And al the cherch & þe chyualrye
Line 235
That in distruccioun of mametrye
And in encres of Crystes lawe dere
They ben ecordit so as ȝe schal here
Line 238
How þat the soudan & hese baronage [folio 197b]
And alle hese lyges schulde cristenede be
And he schal haue custaunce in maryage
And serteyn gold I not what quantyte
Line 242
And heer to fyndyn sufficient suretee
This same a-cord was sworn on eyþer syde
Now fayre Custaunce al-myȝty god ȝow gyde
Line 245
Now wolde sum men waytyn as I gesse
Ȝit I schulde telle al þe puruyaunce
That þe emperour of his greete noblesse
Hath schapyn for hese doughtur [[altered]] dame [[altered]] Custaunce
Wel may men knowe þat so gret ordenaunce
May no man telle in swich a lytyl clause
As was arayed for so high a cause
Line 252
Byschopis ben schapyn with here for to wende
Lordyngis ladyis knyȝtis of renoun
And oþere folk I-nowe this is the ende
And notyfyed is thorw out þe toun
Line 256
