The Hengwrt ms of Chaucer's Canterbury tales / edited by Frederick J. Furnivall.

                                
                                     [6-text p 328] 
                                  
                                  But nathelees / if I kan shape it so
                                
                                  That it departed were / among vs two
                                
                                  Hadde I nat doon / a freendes torn to thee
                                
                                  ¶ That oother answerde / I noot how that may be
                                  Line 816 
                                
                                  He woot þat the gold / is with vs tweye
                                
                                  What shal we doon / what shal we to hym seye
                                
                                  ¶ Shal it be conseil / seyde the firste shrewe
                                
                                  And I shal telle / in a wordes fewe
                                  Line 820 
                                
                                  What we shul doon / and brynge it wel aboute
                                
                                  ¶ I graunte quod that oother / out of doute
                                
                                  That by my trouthe / I wol thee nat biwreye [folio 202a] 
                                
                                  ¶ Now quod the firste / thow woost wel we be tweye
                                  Line 824 
                                
                                  And two of vs / shul strenger be than oon
                                
                                  Looke whan þat he is set that right anon
                                
                                  Arys / as though thow woldest with hym pleye
                                
                                  And I shal ryue hym / thurgh the sydes tweye
                                  Line 828 
                                
                                  Whil that thow strogelest with hym / as in game
                                
                                  And with thy daggere / looke thow do the same
                                
                                  And thanne shal / al this gold departed be
                                
                                  My deere freend / bitwixe thee and me
                                  Line 832 
                                
                                  Thanne may we bothe / oure lustes al fulfille
                                
                                  And pleye at dees / right at oure owene wille
                                
                                  And thus acorded been / thise sherewes tweye
                                
                                  To sleen the thridde / as ye han herd me seye
                                  Line 836 
                                
                                  ¶ This yongeste / which that wente to the toun
                                
                                  fful ofte in herte / he rolleth vp and doun
                                
                                  The beautee of thise floryns / newe & brighte
                                
                                  O lord quod he / if so were þat I myghte
                                  Line 840 
                                
                                  Haue al this tresor / to my self allone
                                
                                  Ther is no man / þat lyueth vnder the trone
                                
                                  Of god / that sholde lyue / so myrie as I
                                
                                  And at the laste / the feend oure enemy
                                  Line 844 
                                
                                  Putte in his thoght þat he sholde poyson beye
                                
                                  With which he myghte sleen / his felawes tweye
                                
                                  ffor why / the feend foond hym / in swich lyuynge
                                
                                  That he hadde leue / hym to sorwe brynge

                                  Line 848

Pages

Index

About this Item

Title: The Hengwrt ms of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 465
Publication: London :: Published for the Chaucer Society by N. Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8233.0001.001
Link to this scan: https://quod.lib.umich.edu/c/cme/agz8233.0001.001/491:10

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8233.0001.001

Cite this Item

Full citation: "The Hengwrt ms of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8233.0001.001. University of Michigan Library Digital Collections. Accessed May 15, 2025.

The Hengwrt ms of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item