[6-text p 475]
Allas quod she / þat euere I was so kynde
Now dame quod he / lat al passe out of mynde
Com doun my lief/ and if I haue myssayd
God help me so / as I am yuele apayd
Line 2392
But by my fadres soule / I wende haue seyn
How þat this Damyan / hadde by thee leyn
And þat thy Smok / hadde leyn vp on his bryst
¶ Ye sire quod she / ye may wene as yow lyst
Line 2396
But sire / a man that waketh out of his sleepe
He may nat sodeynly / wel taken keepe
Vp on a thyng ne seen it parfitly
Til that he be / adawed verraily
Line 2400
[ [Rats.] [folio 152b] Rig]ht so a man / that longe hath blynd ybe
[ [Rats.] N]e may nat sodeynly / so wel yse
ffirst whan his sighte / is newe come ageyn
As he þat hath / a day or two yseyn
Line 2404
Til þat youre sighte / ysatled be a while
Ther may ful many a sighte yow bigile
Beth war I pray yow / for by heuene kyng
fful many a man / weneth to se a thyng
Line 2408
And it is al another / than it semeth
He þat mysconceyueth / he mysdemeth
And with that word / she lepte doun fro the tree
¶ This Ianuarie / who is glad but he
Line 2412
He kisseth hire / and clippeth hire ful ofte
And on hir wombe / he stroketh hire ful softe
And to his Palays / hom he hath hire lad
Now goode men / I pray yow to be glad
Line 2416
Thus endeth here / my tale of Ianuarie
God blesse vs / and his moder Seinte Marie . Amen. [6-text p 476]
¶ Here is ended the Marchantes tale / of Ianuarie
