The Hengwrt ms of Chaucer's Canterbury tales / edited by Frederick J. Furnivall.

                                
                                     [6-text p 585] 
                                  
                                  fful giltlees / that dorste I swere ywys
                                  Line 277 
                                
                                  O rakel hand / to doon so foule amys
                                
                                  O trouble wit/ o Ire recchelees
                                
                                  That vnauysed / smytest giltlees
                                  Line 280 
                                
                                  O wantrust ful of fals suspecion
                                
                                  Where was thy wit and thy discrecion
                                
                                  O euery man / be war of rakelnesse
                                
                                  Ne trowe ye no thyng with outen strong witnesse
                                  Line 284 
                                
                                  Smyt nat to soone / er þat ye witen why [folio 111a] 
                                
                                  And beth auysed / wel and sobrely
                                
                                  Er ye do / any execucion
                                
                                  Vp on youre Ire / for suspecion
                                  Line 288 
                                
                                  ¶ Allas / a thousand folk/ hath rakel Ire
                                
                                  ffully fordoon / or broght hem in the Myre
                                
                                  Allas / for sorwe / I wol my seluen sle
                                
                                  ¶ And to the Crowe / o false theef seyde he
                                  Line 292 
                                
                                  I wol thee quyte anon / thy false tale
                                
                                  Thow songe whilom / lyk a nyghtyngale
                                
                                  Now shaltow false theef/ thy song forgon
                                
                                  And eek thy white fetheres euerichon
                                  Line 296 
                                
                                  Ne neuere in al thy lyf/ ne shaltow speke
                                
                                  Thus shal men / on a traytour ben awreke
                                
                                  Thow and thyn offspryng euere shul be blake
                                
                                  Ne neuere / swete noyse shul ye make
                                  Line 300 
                                
                                  But euere crye / agayn tempest and rayn
                                
                                  In tokenynge / þat thurgh thee my wyf is slayn
                                
                                  And to the Crowe he stirte / and that anon
                                
                                  And pulled / hise white fetheres euerichon
                                  Line 304 
                                
                                  And made hym blak and refte hym al his song
                                
                                  And eek his speche / and out at dore hym slong
                                
                                  Vn to the deuel / which I hym bitake
                                
                                  And for this cas / ben alle Crowes blake
                                  Line 308 
                                
                                  ¶ Lordynges / by this ensample / I yow preye
                                
                                  Beth war / and taketh kepe what I seye
                                
                                  Ne telleth neuere / no man in youre lyf
                                
                                  How þat another man / hath dight his wyf

                                  Line 312

Pages

Index

About this Item

Title: The Hengwrt ms of Chaucer's Canterbury tales / edited by Frederick J. Furnivall.
Author: Chaucer, Geoffrey, d. 1400.
Canvas: Page 254
Publication: London :: Published for the Chaucer Society by N. Trübner,; 1868-1879.

Technical Details

Collection: Corpus of Middle English Prose and Verse
Link to this Item: https://name.umdl.umich.edu/agz8233.0001.001
Link to this scan: https://quod.lib.umich.edu/c/cme/agz8233.0001.001/280:5

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:agz8233.0001.001

Cite this Item

Full citation: "The Hengwrt ms of Chaucer's Canterbury tales / edited by Frederick J. Furnivall." In the digital collection Corpus of Middle English Prose and Verse. https://name.umdl.umich.edu/agz8233.0001.001. University of Michigan Library Digital Collections. Accessed May 3, 2025.

The Hengwrt ms of Chaucer's Canterbury tales / edited by Frederick J. Furnivall.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item