Me were leuere þen ani fe
That he heuede enes leien bi me,
And efft-sones bigunne. [MS. efft sones, W. & M. bi-gunne.]
Euer-more, nelde, ich wille be þin, [W. & M. Evermore, Nelde.]
Line 385
Wiþ þat þou feche me willekin,
Þe clarc of wam I telle,
Giftes willi geue þe [W. & M. give.]
Þat þou maiȝt euer þe betere be,
Bi godes houne belle!"
Line 390
"Soþliche, mi swete dame,
And if I mai wiþ-houte blame, [W. & M. withhoute.]
Fain ich wille ffonde; [W. & M. fonde.]
And if ich mai wiþ him mete,
Bi eni wei oþer bi strete,
Line 395
Nout ne willi wonde.
Haue goddai, dame! forþ willi go." [W. & M. god dai.]
"Allegate loke þat þou do so
As ich þe bad;
Bote þat þou me wilekin bringe,
Line 400
Ne mai neuer lawe ne singe, [M. inserts *I* after mai.]
Ne be glad."
