For þi, dame, were hit no wonder, [W. & M. For-thi, wonder.]
Þau min herte burste assunder. [W. & M. thah.]
Line 360
A[nd] wose euer is ȝong houssewif, [MS. A, W. & M. hever.]
Ha loueþ ful luitel hire lif, [M. Hoe.]
And eni clerc of loue hire bede, [W. & M. An.]
Bote hoe grante and lete him spede." [W. & M. graunte.]
"A! louerd crist, wat mai þenne do! [M. inserts *I* after mai.]
Line 365
Þis enderdai com a clarc me to,
And bed me loue on his manere,
And ich him nolde nout I-here. [W. & M. i-here.]
Ich trouue he wolle me forsape. [W. & M. for-sape.]
Hou troustu, nelde, ich moue ascape?" [W. & M. Nelde.]
Line 370
"God almiȝtten be þin help
Þat þou ne be nouþer bicche ne welp!
Leue dame, if eni clerc
Bedeþ þe þat loue-werc,
Ich rede þat þou grante his bone, [W. & M. graunte.]
Line 375
And bicom his lefmon sone. [W. & M. bi-com.]
And if þat þou so ne dost,
A worse red þou ounderfost."
"Louerd crist, þat me is wo,
Þat þe clarc me hede fro,
Line 380
Ar he me heuede biwonne.
