"So bide Ich euere mete oþer drinke, [W. & M. ich.]
Her þou lesest al þi swinke;
Þou miȝt gon hom, leue broþer,
Line 135
For [ne] wille ich þe loue, ne non oþer, [MS. om. 'ne.']
Bote mi wedde houssebonde;
To tellen hit þe ne wille ich wonde."
"Certes, dame, þat me forþinkeþ; [W. & M. for-thinketh.]
An[d] wo is þe mon þa[t] muchel swinkeþ, [MS. An, W. & M. And, MS. þa.]
Line 140
And at þe laste leseþ his sped!
To maken menis his him ned.
Bi me I saie ful I-wis, [W. & M. i-wis. MS. I. wis.]
Þat loue þe loue þat I shal mis.
An[d], dame, haue nou godnedai! [MS. An. W. & M. godne dai.]
Line 145
And þilke louerd, þat al welde mai,
Leue þat þi þout so tourne,
Þat ihc for þe no leng ne mourne."
Dreri-mod he wente awai, [M. Dreri-mod.]
And þoute boþe niȝt and dai
Line 150
Hire al for to wende.
A frend him radde for to fare,
And leuen al his muchele kare,
To dame siriz þe hende. [MS. siriz, as usually.]
