Certes, dame, þou seist as hende,
And I shal setten spel on ende,
And tellen þe al,
Wat ich wolde, and wi ich com; [W. & M. What.]
Ne con ich saien non falsdom,
Line 65
Ne non I ne shal.
Ich habbe I-loued þe moni ȝer, [W. & M. i-loved.]
Þau ich nabbe nout ben her
Mi loue to schowe.
Wile þi louerd is in toune,
Line 70
Ne mai no mon wiþ þe holden roune
Wiþ no þewe.
ȝurstendai ich herde saie, [W. & M. ȝursten-dai.]
As ich wende bi þe waie,
Of oure sire;
Line 75
Me tolde me þat he was gon
To þe feire of botolfston
In lincolne-schire. [W. & M. Lincolneschire, MS. lincolne schire.]
And for ich weste þat he ves houte,
Þarfore ich am I-gon aboute [W. & M. i-gon.]
Line 80
To speken wiþ þe.
Him burþ to liken wel his lif,
Þat miȝtte welde secc a vif [W. sett, M. selc.]
In priuite.
