"Dame, god þe forȝelde, [W. & M. for-ȝelde.]
Bote on þat þou me nout bimelde, [W. & M. bi melde.]
Ne make þe wroþ,
Min hernde willi to þe bede;
Line 40
Bote wraþþen þe for ani dede
Were me loþ."
"Nai I-wis, wilekin, [W. & M. i-wis.]
For no-þing þat euer is min, [MS. no þing.]
Þau þou hit ȝirne,
Line 45
Houncurteis ne willi be;
Ne con I nout on vilte,
Ne nout I nelle lerne.
Þou mait saien al þine wille, [M. alle.]
And I shal herknen and sitten stille,
Line 50
Þat þou haue told.
And if þat þou me tellest skil,
I shal don after þi wil,
Þat be þou bold.
And þau þou saie me ani same,
Line 55
Ne shal I þe nouiȝt blame
For þi sawe."
"Nou ich haue wonne leue,
Ȝif þat I me shulde greue,
Hit were ho nlawe. [W. & M. hounlaw.]
Line 60
