Þat befel on an day
Þe louerd wend away
Hon his marchaundise.
He wente him to þen inne
Þer hoe wonede inne,
Line 20
Þat wes riche won;
And com in to þen halle, [W. & M. into, M. them.]
Þer hoe wes srud wiþ palle,
And þus he bigon:—
"God almiȝtten be her-inne!" [MS. her inne.]
Line 25
"Welcome, so ich euer bide wenne,"
Quod þis wif. [W. & M. Quod.]
"His hit þi wille, com and site, [W. & M. comme.]
And wat is þi wille let me wite,
Mi leuelif. [W. & M. leve lif.]
Line 30
Bi houre louerd, heuene-king,
If I mai don ani þing
Þat þe is lef,
Þou miȝtt finden me ful fre.
Fol bleþeli willi don for þe,
Line 35
Wiþ-houten gref." [MS. Wiþ houten, W. & M. Withhouten.]
