Wilekin þe swete,
Mi loue I þe bihete, [W. & M. bi-hete.]
To don al þine wille.
Turnd ich haue mi þout,
Line 430
For I ne wolde nout
Þat þou þe shuldest spille."
"Dame, so ich euere bide noen,
And ich am redi and I-boen [W. & M. i-boen.]
To don al þat þou saie.
Line 435
Nelde, par ma fai!
Þou most gange awai,
Wile ich and hoe shulen plaie."
"Goddot so I wille:
And loke þat þou hire tille,
Line 440
And strek out hire þes.
God ȝeue þe muchel kare,
Ȝeif þat þou hire spare,
Þe wile þou mid hire bes. [M. here.]
And wose is onwis,
Line 445
And for non pris [W. & M. pris.]
Ne con geten his leuemon,
I shal, for mi mede,
Garen him to spede,
For ful wel I con."
Line 450
