and Jesus hine nolde answerie nouȝt a word to þe Maistre of þe lawe. [Ms. a a word, a doppelt.]
ÞIs grete Maistres of clergie
To Marie comen with envie
And seiden to Josep and to Marie
þat huy duden gret folie,
And ofte siþes huy gonne heom preie
Line 755
þat huy duden him sette to clergie,
And þat huy hine token in alle wise
To Maister leowy þe wise.
To þe scole þane cam Jhu
þat was ful of vertu.
Line 760
Jesus hem grette in fair manere,
And maister leowi vnder feng him þere,
And him he gan a posi;
Ake Jesus him nolde respoundi;
Stille he stod bi fore him þere,
Line 765
Nolde he no þing him answere.
Here þe maister smot Jesum, and Jesus him wrathþede and spak to heom sone afterwar ful heie wordes.
ÞO Jhc nolde nouȝt ansuere,
Maister leouwi dude him dere
And wax wrothþ with Jhu Marie sone,
For he nolde for eiȝe ne for loue
Line 770
Answerien heom to heore resun;
For leowi wuste þat Jesum
Sotil was and wis of redes,
For he hadde ofte i heord is dedes,
And fain wolde of him sum þing i here,
Line 775
þat he in resun þe wisore were;
Ake þo Jhu nolde no þing speke,
He þouȝte of him to beon a wreke:
With oute anie wordes mo
He smot Jhm a non riȝht þo.
Line 780
