þere fore me þinchethþ it is þe beste
vnder þis trco þat ich me reste.
Line 100
Dame, he seide, at þi wille it beo!
Josep hire ladde to þat treo
And of þat best þat heo sat on
Softeliche haf hire a doun
And bad hire sitte and reste þere,
Line 105
Forte þe hete i passede were.
Here þat treo beuȝ a doun þoruȝ þe voiz of Jhu, and Marie eat of þat fruyt, þat heo muche desiredc. and heo ȝaf Josepe þar of ase muche ase he wolde.
VNder þat treo hire reste Marie
Wuch heo bi heold with hire eiȝe;
Gret wille heo hadde to habbe þar
Of þat fruyt þat it bar.
Line 110
Wel heo schewede in hire willing
þat heo þer to hadde liking,
And seide to Josep with leiȝhinde wille:
Jcholde ich hadde here of mi fulle.
Jhc þat wuste heore þouȝt i liche
Line 115
To þat treo spak mildeliche
And seide: ich þe hote, treo,
To mi Moder a bouwe þou þe!
With gret plente nouþe ȝif hire
Of þat fruit þat þou dest bere!
Line 120
To þat voiz with gret de duyt
þat treo a beuȝ þat bar þat fruyt.
Marie inouȝh þar of et,
And al so dude Josep ek.
þo huy weren wel i fuld
Line 125
Of þat fruyt erore wild,
þarof huy maden ful gret blisse
And þonkeden Jhm for is godnesse.
Muche loued is Moder Jesu,
For he dude for hire muche vertu,
Line 130
