Altenglische legenden ...

                                
                                  þat ȝat schon swyþe briȝte, : ase þei it al gold were,
                                
                                  Folle of derewurþe stones i piȝte, : none richere neuere nere.
                                
                                  Him þouȝte, are he þudere cam, : is wei ful longe laste.
                                
                                  þo he cam forþere a luytel wiȝt, : he stod and bi heold it faste.
                                  Line 465 
                                
                                  þat (ȝat) wende op aȝen him, : and a non riȝt with þe dede [Nach þat fehlt ȝat.] 
                                
                                  þare cam smite out a swote smel, : and wide a boute gan sprede,
                                
                                  þat him þouȝte, þei al þe world : swote spices were,
                                
                                  So muche swotnesse ne miȝte ȝiuen, : ase þat suote smul dude þere. [folio 102] 
                                
                                  In so gret Joye him þouȝte he was, : þat, þei he hadde beo i brouȝt
                                  Line 470 
                                
                                  In to al þe soruwe þat he was er, : it ne schulde him habbe i greued nouȝt.
                                
                                  He bi heold in at þis ȝate, : þo he cam þer neiȝ:
                                
                                  More clernesse nas neuere i seiȝe, : him þouȝte, þane he þere i seiȝ.
                                
                                  Ase he wolde þare In wende, : aȝein him þare cam gon
                                
                                  A procession fair i novȝ, : of noble men ech on,
                                  Line 475 
                                
                                  With creoiz and with taperes : and with baneres clere; [am Rande nebengeschr.] 
                                
                                  I reuested faire muche folk was, : and ech hadde is fere:
                                
                                  Some were bischopus and Ercedeknes, : and some Monekes and freres,
                                
                                  And euerech, him þouȝte, hadde þe Abite : þat heo wereden here.
                                
                                  With þe meste Joye þat miȝte beo : þis kniȝt was onder fonge,
                                  Line 480 
                                
                                  And i lad In with Joye i novȝ, : mid solas and murie songe.
                                
                                  þo þis murie song was i do, : to him sone þare come
                                
                                  Tweien, ase it maistres weren, : and bi þe honde him nome,
                                
                                  And wel comeden him wel mildeliche : and þonkeden ore louerd faste,
                                
                                  þat him sende so guode bi leue, : so stableliche for to laste.
                                  Line 485 
                                
                                  Heo ladden him a boute and scheweden him : þat lond fer and ner:
                                
                                  So muche Joie and clernesse : him þouȝte he ne saiȝ neuer er;
                                
                                  Ase þe sonne bi nimez þe liȝt : of Candle a boute Midday,
                                
                                  Also it bi nam þe sonne hire leom, : him þouȝte, ase he þare isaiȝ(!).
                                
                                  So long and brod þe place was, : þat he ne miȝte non ende i seo;
                                  Line 490 
                                
                                  A fair Medwe he saiȝ with swete floures, : swottere ne miȝte non beo,
                                
                                  Treon al so with noble fruyt, : þat smulde swote Inovȝ.
                                
                                  And þe swotnesse of euer ech stude : al a boute op drouȝ,
                                
                                  þat þare with oute mete and drunch, : him þouȝte, euere mo
                                
                                  He miȝte libbe with alle Joie, : ȝif he moste þare Inne go.
                                  Line 495 
                                
                                  It was þere euere i liche liȝt, : and euere it was dai.
                                
                                  So muche folk in none place him þouȝte : neuer er he ne saiȝ;
                                
                                  Ech Compaygnie to oþur drovȝ, : and ech bi oþur stod,
                                
                                  With murie song and Melodie, : and gladnesse in heore mod,
                                
                                  þat ech of oþur þe more Joye : to gadere heo miȝten a fonge.
                                  Line 500 
                                
                                  Al miȝti god, þat heom schop, : heo hereden In heore songe.
                                
                                  And, ase sum steorre, þat ȝe i seoth, : briȝtore þane oþur is,
                                
                                  Also was bi heom, for some weren : clerore þane some i wis; [Vor was fehlt it.]

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 201
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/250:5

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 23, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item