Altenglische legenden ...

                                
                                  His ryche cloþ̛ he of did, : & oþer abit to hym nom,
                                
                                  & to þis old pore mon : wel bouxum he be com.
                                
                                  þis ȝong mon he be tok : his douȝter to wyue.
                                  Line 765 
                                
                                  Boþe þey hym seruid : wit here myȝt wel blyue.
                                
                                  þo þis old man had : þis ȝong mon asayid
                                
                                  & in his seruise : swyþe wel apayid,
                                
                                  In to his chaumbir on a day : þis ȝong mon he ladde,
                                
                                  & scheuid hym þe tresour : þt he þer in hadde.
                                  Line 770 
                                
                                  þo þis ȝong mon it say, : to wondre he be gan;
                                
                                  Hym þouȝt rycher tresour : hadde neuer no man.
                                
                                  Nowȝ, quaþ þis old mon, : for þu hast seruid me,
                                
                                  Al þis tresour anon : I wole it ȝeue þe,
                                
                                  þat & moche more : I wille her after schewe;
                                  Line 775 
                                
                                  þt þu hast seruid me, : ne schal þe noþing rewe.
                                
                                  Allas, quaþ Josaphat, : þis is seyd be me,
                                
                                  & wel I woot to soþe, : it auȝte wel to be,
                                
                                  & wel I woot to soþ, : of me þu myȝt it make;
                                
                                  þerfore, ȝif it were þy wille, : I wold me be take.
                                  Line 780 
                                
                                  & ȝif it were þy wille, : I wold wyte of þe
                                
                                  Of hou mony ȝer̛: þt þu old be.
                                
                                  I wot, quaþ þis oþer, fyf & sixty ȝer : myn elde is.
                                
                                  Ȝe I wis, quaþ iosaphat, : & more I wis,
                                
                                  ffor I it may segge : al wit oute wene
                                  Line 785 
                                
                                  þt þu art of elde : sixty ȝer & tene.
                                
                                  Sykir, quaþ barlam, : þu hast wel ondirstonde I wis
                                
                                  Alle þe ȝer̛ þt I haue : leuid in world þis;
                                
                                  But fyue & syxty ȝer : I haue cristin mon be:
                                
                                  þilke I auȝt acounte, I wis, : so þinkeþ me;
                                  Line 790 
                                
                                  þe oþer a counte I nouȝt, : ne nele neuere mo,
                                
                                  For I woot þt I was : in mys be leue þo;
                                
                                  & I wone forsoþe : in þe wildirnes of samar.
                                
                                  Wolde god, quaþ iosaphat, : þat we were boþe þar!
                                
                                  & þedir I wole nowȝ : wit þy leue go wt þe.
                                  Line 795 
                                
                                  Wite it wel, quaþ barlam, : it may nouȝt so be,
                                
                                  ffor wel I woot to soþe, : fro me þu worst take,
                                
                                  & mony holy men slawe : schol be for þy sake;
                                
                                  But þou schalt at þy wille : come þedir to me;
                                
                                  But cristni þe I wille, : ȝif þu wolt it so be.

                                  Line 800

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 135
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/179:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 21, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item