Altenglische legenden ...

                                
                                  & made hym king of þe lond, : hem alle for to lokin.
                                
                                  þis man hym so be louid : wt men of þe contre,
                                
                                  & suffrid ech of hem : his mayster to be:
                                  Line 660 
                                
                                  Al þt þey wold rede, : al þt þey wold do, [Ms. þey in der letzten Hlbz. st. he.] 
                                
                                  & wende hem fynde frend̛, : & fond hem as fo;
                                
                                  For, þo þey sey here tyme, : þey nom hym at þe last
                                
                                  & wit moche schame : out of þe lond hym cast.
                                
                                  þer he lay wel longe : & þolyd pyne & wo, [folio 296]  [Ms. rorwȝ st. sorwȝ.] 
                                  Line 665 
                                
                                  Ne myȝte nomon telle þe sorwȝ : þt he þolid þo.
                                
                                  þo þis man was out cast, : an oþer þey ches anon
                                
                                  To be king of þe lond : & weld hem ech on.
                                
                                  þe king, þo he was chose, : was wel war
                                
                                  By þe king afore hym, : þt was mad so bar :
                                  Line 670 
                                
                                  In to þe yle, þt I of spak, : þe tresour he hent, [Ms.Ihcst. he verschrieben.] 
                                
                                  Wit wel trewe messager̛ : anon þedir it sent,
                                
                                  In moche wele & ryches : for he wolde lyue,
                                
                                  Whan he were par auenture : in to þis yle I dreue;
                                
                                  þerfore he haþ in þe yle : his tresour I do.
                                  Line 675 
                                
                                  Al redy he it fond, : þo he com þer two.
                                
                                  þe contre þt I of told, : þe foule world it is;
                                
                                  þe borgeys of þe contre : sinn̛ it beþ y wis,
                                
                                  As pride gloteny & couetys, : & oþer sinn̛ also,
                                
                                  þat euere dwelliþ in þis world, : go mon wher he go.
                                  Line 680 
                                
                                  þe strong mon þt is king, : þt is, I ondirstonde,
                                
                                  Euerymon & woman : þt leuiþ in þis londe.
                                
                                  Kyng þey beþ chose I wis : hem self for to gyȝe,
                                
                                  & to do wel oþer wroþerhele : he hadde þe maystryȝe.
                                
                                  þis yle, wel I woot, : purgatoryȝe is,
                                  Line 685 
                                
                                  þat mon schal inne dwelle, : after he doþ amys.
                                
                                  þe tresour is worldis good, : þt ech mon wt his myȝt
                                
                                  Strengþith hym to winne : boþe day & nyȝt.
                                
                                  Ȝif he send his tresour : be fore in to þe yle [Ms. int mit weg|punktirtem t.] 
                                
                                  By pore men for godd̛ loue, : he noot woch whyle
                                  Line 690 
                                
                                  Ech peny & peneworþ : þer he schal fyinde,
                                
                                  & he may loke after þat, : þat he leueþ be hinde.

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 132
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/176:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 21, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item