Altenglische legenden ...

                                
                                  And was in here warde forþ. . & his moder nam
                                
                                  God ȝeme of alle is wordes . & in hire herte hem hedde ido.
                                
                                  Ihc wex wel in elde . and in wisedom al so
                                
                                  And in grace aȝen god . and aȝen men iwis.
                                  Line 1135 
                                
                                  þe ende as me rat in churche . of þulke gospel is þis.
                                
                                  þat word of his fader þing, . of whom þis child sede,
                                
                                  Was þat it fel to is fader . of wisedom speke and rede;
                                
                                  And vor þe temple wiþ riȝte eke . was of is fader fe,
                                
                                  þer fore he seide he moste nede . in is fader þing be.
                                  Line 1140 
                                
                                  þo marie nom so god ȝeme . of is wordes vchon,
                                
                                  þat was, whan (men) axeden out, . to tellen hit hem anon. [Nach whan fehlt men.] 
                                
                                  þis child was for lore, for me . criede in þe temple faste
                                
                                  þat vche mon stode bi is per, . þe while þe feste laste,
                                
                                  Man bi man and child bi child . and wommon bi oþer also; [folio 40] 
                                  Line 1145 
                                
                                  So stod vch þing bi is per, . vorte feste were ido. [Vor feste fehlt þe.] 
                                
                                  So þat ihc vrom is frendes . among children was ibrouȝt,
                                
                                  And heo nusten whar he bicam, . ar he were wide isoutȝ.
                                
                                  þo archelaus hadde . niȝe ȝer king ibeo,
                                
                                  So proud he was & so luþer, . as vche mon miȝte seo,
                                  Line 1150 
                                
                                  þat þis it nolde þolie nouȝt, . ac is power him bi nome
                                
                                  And heroudes, is broþer, maden king . þorw riȝte dome.
                                
                                  Boþe heo weren heroudes sones, . þat king was bi fore,
                                
                                  þat fondede oure lord to sle, . þo he was ibore.
                                
                                  Heroudes, þis newe king, . and pilatus, þe Justise,
                                  Line 1155 
                                
                                  And þe bisschop anne & caiphas, . þt of þe lawe were wise,
                                
                                  Alle foure heo weren ate red . to bringe oure lord of dawe.
                                
                                  Pilatus hadde þer bifore . vnder eroudes e beo; [Ms. e beo st. ibeo.] 
                                
                                  To rome he wende to þemperour . & ȝaf him of is feo,
                                
                                  Vor to holde of þe emperour . þat he of eroudes huld er.
                                  Line 1160 
                                
                                  þe emperour þus furst binam . eroudes riȝte þer.
                                
                                  þer fore eroudes and pilatus . in wraþþe weren ibrouȝt,
                                
                                  Ar god were to deþe ido, . acorded nere hi nouȝt,
                                
                                  Vor þe gile þat pilatus . aȝen him hedde ido
                                
                                  And þorw strengþe of þe emperour . his lond inome so.

                                  Line 1165

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 108
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/152:3

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 23, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item