Altenglische legenden ...

                                
                                  In þis manere þe þreo kinges . oure lord out souȝte
                                
                                  In bedlem vrom here owne lond, . & presaunt him brouȝte.
                                
                                  Of þe lond of arabie . and of perse heo were.
                                  Line 755 
                                
                                  So fer est beþ þulke londes . þat nomon ne woneþ now þere.
                                
                                  A gret water þat me clepeþ saba . in þe lond of perse is,
                                
                                  þer fore ȝet monie men . al þat lond clepeþ iwis. [Statt al ist also zu lesen.] 
                                
                                  þer fore dauid bi oure lord . in þe sauter whilen sede
                                
                                  þat kinges of arabie & saba . ȝiftes him scholden lede.
                                  Line 760 
                                
                                  Heo ladden presaunt, vor he was king, . & nomon souȝte [A. R.: De donis.] 
                                
                                  Ne to hem com in þe olde lawe, . bote he presaunt brouȝte.
                                
                                  Gold and mirre and encense . þre kinges him laadde: [Ms. en censense; laadde st. ladde.] 
                                
                                  Vch of þe þreo presauns . gret tokninge hadde:
                                
                                  Gold is þing of gret nobleie, . þat falleþ riȝt to akinge;
                                  Line 765 
                                
                                  þer fore oure lord as a king . gold heo gonnen bringe.
                                
                                  Encense valleþ to holi chirche, : & vor god was, heo þouȝten,
                                
                                  Preost and maister of holi chirche, . encense heo him brouȝten.
                                
                                  Mirre is swiþe bitter þing, . and akuinde hit haþ also: [Ms. doppelt it hit.] 
                                
                                  þat noþing ne schal rotie, . þat hit is bi ido;
                                  Line 770 
                                
                                  þer fore whan an heiȝ mon deiȝede, . bi olde dawe me wolde
                                
                                  In his buriles mirre do, . þat e rote ne scholde.
                                
                                  þe bitter hede of þe mirre, . þat heo oure lord brouȝte,
                                
                                  Bitoknede þe bittere deþ . þat þe giwes him wrouȝte;
                                
                                  þat hit wiþ aded mon . hol at is buriinge, [wiþ = witeþ.] 
                                  Line 775 
                                
                                  Godes buriing hit bi tokneþ . wiþ oute rotiinge.
                                
                                  þis þre kinges wenden forþ . & þis ȝiftes wiþ hem nome
                                
                                  Vrom þe ferreste lond of bieste, . vor heo to ierlm come, [vor st. vor te.] 
                                
                                  þat in þe middel is of þe world: . þider heo weren brouȝt
                                
                                  In twelf dawes, & manie foles . þer fore ne leueþ it nouȝt,
                                  Line 780 
                                
                                  Ac as for dromedaries, . þat vpon wende,(!) [Vor vpon fehlt heo.] 
                                
                                  Swifte weren, and godes grace . sone hem þider sende. [heo fehlt nach swifte.] 
                                
                                  þo heo comen vurst to ierlm, . þe sterre hem was ihud, [A. R.: De stella.] 
                                
                                  Vor heo scholden axe after god, . þat is burþtime were ikud,
                                
                                  þat þe giwes ne of soke it nouȝt . þt e was among hem ibore;
                                  Line 785 
                                
                                  Ac anon, þo heo wenden vrom eroudes, . þe sterre was hem bi fore,

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 97
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/141:3

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 22, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item