Altenglische legenden ...

                                
                                  And elde to habbe wif, . þat vch of hem bere [of fehlt vor elde.] 
                                
                                  A bar ȝerde to þe auter, . þt non vor bore nere;
                                
                                  And whos ȝerde bigonne to blowe . & a coluere þer on ibrouȝt,
                                
                                  þat he toke marie to spouse, . þt hit nere bi leued nouȝt.
                                  Line 230 
                                
                                  þe bischop was þo glad inow, . he let crie þere
                                
                                  þat alle þat were of dauiþes kunne . aȝerde to þauter bere.
                                
                                  þo heo weren alle to gadere, . & vch hedde aȝerde an honde:
                                
                                  þer was iosep an old mon, . þat bi hinde alle gan stonde.
                                
                                  Aȝen his wille þider he com, . he ne dorste elles for fere;
                                  Line 235 
                                
                                  His ȝerde he hudde, þo his felaws . here ȝerden to þe auter bere.
                                
                                  þo þer nas non þat gan to blowe, . and iosep heo vnder ȝite
                                
                                  þat hedde is ȝerde so ihudde, . heo gonnen him to þrete;
                                
                                  Heo maden him bere is ȝerde forþ, . he ne moste vor bore beo;
                                
                                  þo he to þe auter com, . me miȝte miracle iseo:
                                  Line 240 
                                
                                  His ȝerde bigan to blowe faire, . þat bar was and old er,
                                
                                  And anowarde sat awhit coluere; . gret miracle was þer:
                                
                                  Vpe ȝerde longe heo sat, . and seþþe þat volk isaiȝ [þe fehlt vor ȝerde.] 
                                
                                  þat heo vleiȝ into þe temple aboute . & seþþe to heuene anheiȝ.
                                
                                  þer nas non þat þis seiȝ, . þat sore adrad nas.
                                  Line 245 
                                
                                  Ac iosep þe olde mon is his half . þer fore sori was;
                                
                                  þat me lokede him to wedde þat maide, . of schamed he was sore.
                                
                                  Lokeþ, he seide, mi feblesse . and habbeþ of me milse and ore!
                                
                                  Nam ich old wiþ manie children? . mi miȝten beþ me bi nome,
                                
                                  And heo is ȝong, & sunne hit is . to maken vs to gedere come.
                                  Line 250 
                                
                                  Nim ȝeme, iosep! quaþ þe bischop, . þat þow þi self ne aspille,
                                
                                  As datan dude and abiron . þat weren aȝe godes wille.
                                
                                  þo was iosep sore adrad, . he ne dorste wiþ sigge na more
                                
                                  Vor drede of oure lordes wreche; . he gan to sike sore.
                                
                                  I nul noȝt, he seide, god misdo; . ac, whan hit mot so nede,
                                  Line 255 
                                
                                  Ichul hire wedde, ac heo ne schal . hire maidenhod for me schede;
                                
                                  Ichul hire witen and hire warden, . oþer ne mai it be nouȝt,
                                
                                  þat mi sone mai hire wedde after me, . þt oure kuinde be forþ ibrouȝt.
                                
                                  Vor þe lawe was þo : whan amon ne miȝte . biȝete child bi is wiue,
                                
                                  þat is nexte kun hire wedde scholde . anon after is liue,
                                  Line 260 
                                
                                  And vch after oþer, vorte som child . of þe blode come;
                                
                                  Whose no child no wonne, vn wurþe was, . as hit fel ofte ilome.

About this Item

Title: Altenglische legenden ...
Author: Horstmann, Carl, ed. b. 1851.
Canvas: Page 79
Publication: Paderborn,: F. Schöningh,; 1875.
Subject terms: English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afy7823.0001.001
Link to this scan: https://quod.lib.umich.edu/c/cme/afy7823.0001.001/124:3.2

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afy7823.0001.001

Cite this Item

Full citation: "Altenglische legenden ..." In the digital collection Corpus of Middle English Prose and Verse. https://name.umdl.umich.edu/afy7823.0001.001. University of Michigan Library Digital Collections. Accessed June 22, 2025.

Altenglische legenden ...

Annotations Tools

Actions

About this Item

Technical Details

Rights and Permissions

Related Links

IIIF

Cite this Item