A. Ashmol. 43.
Of Joie & blisse is al my song, : kare to bileue, [folio 208b]
& to herie him among : þt al our sorwe schal reue.
Icome he is þe suete dew, : to wan is al our hope,
Jhu kyng of alle kynges, : þe swete hony drope;
Bicome he is oure broþer; : war was he so longe?
Line 5
He it is & non oþer, : þt boȝte ous so stronge.
Oure broþer we mowe him clupie wel, : so seiþ he him sulf ilome.
So ne miȝte hi neuer adel : þt bifore ous come.
He nas oure broþer noȝt, : ar he oure flesch nome,
þer myde he haþ ous dere aboȝt : to make ous isome.
Line 10
Isome we nere bifore, : angelis & oure kunde,
Ar swete ihc were ibore, : þt to selde is in munde.
Ac nou he haþ oure kunde Inome, : & oure broþer is;
Oure kunde is wel heie i come : among oþer iwis.
Vor he is al oure kunde hext : saue is godhede,
Line 15
& aboute is trone is next, : so noble is manhede! [Nach trone fehlt man.]
Angel ne worþ noȝt so hei, : for he nys oure broþer noȝt,
& oure kunde is eke so hei, : he haþ ous dere abouȝt,
Ne angeles he ne boȝte noȝt; : we beþ him wel ner;
Wen he vs haþ so dere aboȝt, : wel auȝte men louye him her. [vs ist im Ms. meist durch v mit dem Zeichen der Abkürzung für us ausgedrückt.]
Line 20
þe angel nys naþemo : bote as his messager;
Hou miȝte it þanne go : to beo is broþer her?
& In heuene hi scholleþ also, : wen þt we beþ þere,
Oure heste & oure wille do, : as hi oure hinen were,
To oure heste seruy ous : to fot & to honde;
Line 25
Oure owene we mowe holde ous, : as ic vnderstonde: [vnder stonde: das ausschliesslich nach d gebrauchte Zeichen der Abkürzung…ist überall durch er wiedergegeben, obwohl es auch ur vertreten könnte.]
