"Wel fyht, þat wel flyþ", [fyht, ms. fyþt.]
Quoþ Hendyng.
Wis mon halt is wordes ynne,
For he nul no gle bygynne,
Line 80
Er he haue tempred is pype. [80, 81. Die Metapher will besagen: Denn er wird sein Wort nicht geben, wenn er sich nicht vorher überzeugt hat, dass er es auch halten kann.]
Sot is sot, & þat is sene,
ffor he wol speke wordes grene,
Er þen hue buen rype.
"Sottes bolt is sone shote",
Line 85
Quoþ Hendyng.
Tel þou neuer þy fomon
Shome ne teone þat þe is on,
þi care ne þy wo;
For he wol fonde, ȝef he may,
Line 90
Boþe by nyhtes & by day,
Of on to make two.
"Tel þou neuer þy fo þat þy fot akeþ",
Quoþ Hendyng.
ȝef þou hauest bred & ale,
Line 95
Ne put þou nout al in þy male,
þou del hit sum aboute. [hit, gen. "davon". Die Form "his" ist eine Uebertragung der Maskulinform auf das Neutrum. Vgl. "& kepe to hit, & alle hit cors clanly ful-fille". The Deluge, 264.]
Be þou fre of þy meeles,
Wher so me eny mete deles,
Gest þou nout wiþ oute. [Gest þou, Inversion im Hauptsatze bei vorangehendem Nebensatze.]
Line 100
"Betere is appel yȝeue þen yete",
Quoþ Hendyng.
Alle whyle ich wes on erþe,
Neuer lykede me my werþe, [Unter werþe ist jeder Vorgesetzte oder Brodherr zu verstehen.]
