In forstes ant in snowes,
in shures & in cloude;
of alle oure riche cloþes
Line 225
tid vs neuer a shroude;
Whose haþ don for godes loue,
he may be ful stoude.
Her we haueþ houses
of lym ant of ston,
Line 230
ant alle we shulen hem leuen
eueruchon;
fare we shule to a bour
þat is oure long hom;
nouþer more ne lasse,
Line 235
bote from þe hed to ton
þer shal rotie vre fleysh [fleysh, ms. wie in v. 54.]
al to þe bon.
When þe flor is at þy rug,
þe rof ys at þy neose,
Line 240
al þis worldes blisse [worldes, ms. wolrdes.]
nis nout worþ a peose.
Bote ȝef iesu cristes merci
among vs more were,
to wroþere hele not euer we [not, ms. þat.]
Line 245
in londe comen here.
to þin holy halewen, crist,
bring vs alle yfere.
amen.
