fful kene þou were in halle,
whil þou were alyue,
Line 10
ffalse domes deme,
chaunge two for fyue; [11, 12. Die Infinitive "deme" und "chaunge" sind mit "kene" zu verbinden.]
falsnesse ant swykedom
þou wrohtes ful ryue, [wrohtes, ms. wrohstes; vgl. v. 90, myhtes.]
þare fore pyne stronge
Line 15
makeþ þe þunne þryue." [þe, ms. me.]
þo spac þe body so dymme
to þat drery gaste:
" 'Wit me noht of synne, [Wit, ms. Was.]
þat byndeþ me so faste!
Line 20
I wende my worldes wynne [worldes, ms. worlds.]
me wolde euer laste;
þe bondes þat y am ynne,
to helle he wolleþ me caste.' "
þo spak þe gost wiþ ryht:
Line 25
"red soth al to wys:
wher ys þi muchele prude,
þy veyr ant þi gris?
þine palefreis, & steden,
& al þi purpris
Line 30
þou ne shalt wiþ þe beren,
wrecche þer þou lis."
þo saide þe body wiþ drery mod
on bere þer hit lay:
" 'Nou ys come her my deþ,
Line 35
ant myn ende day;
Bounden am y hond ant fot,
þat y ne may away;
Nou aren mi dawes done,
y wende ha lyued ay!' "
Line 40
