wher bueþ hue, þy wedes longe?
þis muchele murþe, ioie, & songe?
þis hauekes, & þis houndes?
Line 135
al þat weole is wend away,
ant al is turnd to "weylaway!"
to monye harde stoundes.
huere parais hue maden here,
ant nou hue liggeþ in helle yfere,
Line 140
þat fur huem berneþ euer;
stronge ypyne & stronge in wo, [ypyne, kontrahirt aus "yn pyne".]
longe is ay & longe ys o,
out ne comeþ hue neuer.
ȝef þe feond, þe foule þyng,
Line 145
þourh wycked werk oþer eggyng
adoun haþ þe ycast:
vp, & be god champioun,
stond, & fal no more adoun
for a lutel blast.
Line 150
Tac þe rode to þy staf,
ant þenke on him þat for þe ȝaf
his lyf, þat was so luef;
he hit ȝef, þou þonke hym; [he, ms. het.]
aȝeyn þy fo such staf þou nym,
ant wrek þe on þat þuef.
XVIII. Lutel wot hit anymon.
Ueber das Verhältniss dieses Liedes zu W. L. XIV, das in der Handschrift unmittelbar folgt, siehe die Einleitung zu letzterem.
Th. Wright, Spec. of L. P. pag. 111.
