To honde.
He wes yfetered weel,
Line 110
boþe wiþ yrn ant wyþ steel,
to bringen of scotlonde.
Sone þer after þe tydynge to þe kyng com;
he him sende to londone wiþ mony armed grom;
He com yn at newegate, y telle yt ou a plyht,
Line 115
a gerland of leues on ys hed wes ydyht [wes, ms. on ys hed ydyht.]
of grene;
ffor he shulde ben yknowe
boþe of heȝe ant of lowe
for treytour, y wene.
Line 120
yfetered were ys legges vnder his horse wombe,
boþe wiþ yrn ant wiþ stel; mankled were ys honde;
a gerland of peruenke set on ys heued.
Muche wes þe poer þat him wes byreued
In londe.
Line 125
So god me amende! ["So god me amende", nach Hwll. D. (pag. 54) ein üblicher Schwur in Suffolk.]
lutel he wende
so be broht in honde.
Sire herbert of Norham, feyr knyht ant bold,
for þe loue of frysel ys lyf wes ysold;
Line 130
a waiour he made, so hit wes ytold,
ys heued of to smyte, ȝef me him brohte in hold, [smyte, ms. smyhte.]
what so bytyde. [what so, ms. wat so.]
Sory wes he þenne,
þo he myhte him kenne
Line 135
þourh þe toun ryde.
þenne seide ys scwyer a word anon ryht:
"Sire, we beþ dede, ne helpeþ hit no wyht,"
(Thomas de boys þe sewyer wes to nome)
"Nou ychot oure waiour turneþ ous to grome,
Line 140
