þourh streynþe.
Ne be he ner so stout,
ȝet he biþ ysoht out
o brede ant o leynþe.
Line 80
Sire Edward of carnaruan, iesu him saue ant see!
Sire Emer de valence, gentil knyht ant free,
habbeþ ysuore huere oht, þat, par la grace dee!
hee wolleþ ous delyuren of þat false contree,
ȝef hii conne.
Line 85
muche haþ scotlond forlore,
whet alast, whet bifore,
ant lutel pris wonne.
Nou ichulle fonge þer ich er let,
ant tellen ou of frisel, ase ich ou by het;
Line 90
In þe batayle of kyrkenclyf ffrysel wes ytake,
ys continaunce abatede eny bost to make
biside striuelyn;
knyhtes ant sweynes,
ffremen and þeynes,
Line 95
monye wiþ hym.
So hii weren byset on eueruche halue,
Somme slaye were, ant somme dreynte hem selue.
Sire Johan of lyndeseye nolde nout abyde,
he wod in to þe water, his feren him bysyde,
Line 100
to adrenche.
whi nolden hii be war?
þer nis non aȝeyn star! ["Niemand kann gegen seinen Stern (sein Geschick) ankämpfen."]
why nolden hy hem byþenche?
þis wes byfore seint bartholomeus masse,
Line 105
þat ffrysel wes ytake, were hit more oþer lasse.
To sire Thomas of Multone, gentil baroun ant fre,
ant to sire Johan Jose by take þo wes he
