þe webbes ant þe fullaris assembleden hem alle,
ant makeden huere consail in huere commune halle;
token Peter Conyng huere kyng to calle,
ant beo huere cheuenteyn.
Line 20
hue nomen huere rouncyns out of þe stalle,
ant closeden þe toun wiþ inne þe walle.
sixti baylies ant ten hue maden adoun falle,
ant moni anoþer sweyn.
þo wolde þe baylies þat were come from fraunce
Line 25
dryue þe flemisshe þat made þe destaunce;
hue turnden hem aȝeynes wiþ suerd & wiþ launce,
stronge men ant lyht.
Y telle ou for soþe: for al huere bobaunce,
ne for þe auowerie of þe kyng of fraunce,
Line 30
tuenti score ant fyue haden þer meschaunce,
by day ant eke by nyht.
Sire Jakes de seint Poul yherde hou hit was, [hou, ms. hout.]
sixtene hundred of horsmen asemblede o þe gras;
he wende toward bruges pas pur pas [pas pur pas. Es soll durch diesen Aus|druck der regelrechte Marschtritt des militärisch geschulten französischen Heeres angedeutet werden; die Handwerker von Brügge konnten sich einer solchen Schulung nicht rühmen.]
Line 35
wiþ swiþe gret mounde.
þe flemmysshe yherden telle þe cas,
agynneþ to clynken huere basyns of bras,
ant al hem to dryuen ase ston doþ þe glas,
ant fellen hem to grounde.
Line 40
Sixtene hundred of horsmen hede þer here fyn,
hue leyȝen y þe stretes ystyked ase swyn.
þer hue loren huere stedes ant mony rouncyn
þourh huere oune prude.
Sire Jakes ascapede by a coynte gyn
Line 45
out at one posterne þer me solde wyn,
out of þe fyhte, hom to ys yn,
In wel muchele drede.
