Profirde it two presoners, was puneschede in pyne.
Als faste als þay felyd it, downe dede gune þay falle —
Line 225
So was it fell for to frayste, þe fylthe was so fyne.
Bot þou sauede thayme alsone, seande thaym alle,
And saynede þe coppe swetely and sup|pede it off syne:
Thow hade no harme. þat behelde þat hendeste in hall
And to the hâlly þay heledide, bathe he and his hyne.
Line 230
His hyne holly and he
Trewely trowede þare to þe,
Become þare thi brothire.
Þou saide to þat menȝe:
"Luke þat ȝe lufande be,
Line 235
Ilkone to oþer!"
Thou bade thaym be free to frayste in þaire fare,
Faythefull and frendely till euerilk a fere.
"What may þis mene? quod these mene, moue it vs mare:
We hafe no mencyone ne mynde of þis matere."
Line 240
"It es þe comma(n)dement of Criste þat I ȝow declare,
To kepe it be connande all mankynde clere. [Perry commande.]
Luke ȝe releue ilke a lede þat lykes ȝoure lare;
To lufe ilk mane as ȝoure-selfe, this lessone ȝe lere!
To lere nowe þis ryghte,
Line 245
Gret godd of his myghte
Graunte ȝow þe grace.
And Jhesu, þat worthi wyghte,
Helpe vs all to þat lyghte,
For to see his face."
Line 250
Wyse mene and witty þat of thi werkes wyste,
Weled the for wo(r)thi wirchipe to welde:
To be þaire beschope blethely þay bedde the, so blyste,
For þou myghte in thaire bale beste be thaire belde;
Thay menskede the with manhede, with mytir vnmyste,
Line 255
And folowed thi fare freely, in firthe and in felde.
Thus thow lyffede in the lande, whils oure lorde lyste;
And whene hym lykede, he laghte the; thi gaste þou gune hym ȝelde.
For to ȝelde the thi mede
In heuene for thi gude dede,
Line 260
Whene þou heþene paste,
He was redy, we rede.
To þat lyghte he vs lede,
Þat euer-more sall laste. Amene.
Explicit.
