Domycyane, þat deuyls lymme, dedey|ned at þi dede
And demyd the for thi doynge with dule for to dye:
With tyraunteȝ he tuk the als theefe in þat thede.
Thay toylede the bytwene thayme and threted the thraly,
Thase licherouse lurdañs, laytheste in lede;
Line 115
To Porte-latyne thase laddes the leddene full laythely.
Thane the boustoure balde with barett he bedde
That thay thi body suld bare, with bale for to bye. [vor bare fehlt make?]
To by was þou made bare,
And done in a tonne thare
Line 120
With oyle wellande hate;
Seþene wald þay noghte spare,
Þay sett the full sare
One ane yrene plate.
Of all þe dedes þay couthe doo, þat derfe ware & dill, [dill = dull stupid, so Allit. P. A. 680.]
Line 125
Thou dyede noghte, for thai dide no dere vnto the; [Ms thair, worauf dede auspunctirt ist; l þai.]
Foulely foullede þay thi flesche, ȝit felid þou nane ille; [Ms. foulede?]
For-thi þi famene the flemede owte of cuntre.
Þan to Pathmos, a place, passede þou vntyll.
The Apocalips in þat place with a pene free
Line 130
Wysely þou wrate it, with witt and with will;
And for thi werke þou ware worthi wir|chipede to be.
To be wirchiped with myghte,
Þou ware worthi full ryghte
In euerilk a place:
Line 135
Thou was witnes of lyghte,
Þat wysses euerilk a wyghte —
Thi name es goddes grace.
Grete grace was þe gyffene & graun|tede also
Thurghe his gudnes þat gyfes vs all gyftes of mayne.
Line 140
Whils þou suggeourned in þat suyle, Domycyane, thi foo,
At a semle þat segge in certayne was slayne.
Þan þou gysed the gerne and gafe þe to goo
Tyll Ephesyme graythely þe gates þat ware gayne.
Feele folke ware thi srendes, þare þou ferde froo,
Line 145
And for to frayste of thi fare þe toþer ware fayne;
Fayne ware þe folke free,
And come rynnande to the
And hailsed the hame,
And saide þus vnto the:
Line 150
"Blissede ay mote he be,
Þat commes in goddes name!"
Thane was Drucyane dede, thi derlynge so dere,
And sulde to delfynge be done, dredles, þat daye; [Ms. scheinbar dolfynge; vorher ist dof ausgestr. dredles certainly.]
Bot þou bade thayme habyde and sett downe þe bere;
Line 155
Thou blyssede þe body, bare þare it laye.
Scho sett hir vp softely with a blythe chere —
Als scho hade slepede, it semede, sothe for to saye.
Þay hade wondir of þat wyghte, þe wyes, þat þere ware,
And all wirchipede thi werke þat wente by þe waye.
Line 160
By þe way þay þat went,
Þay lefte landis & rent,
With the for to wende;
To no-thyng tuke þay tent.
And sone sum of thaym repent
Line 165
By fondyng of þe fende.
