Altenglische legenden.

                                
                                  O amatist with peynes purpureat, [purpurat.] 
                                
                                  Emeraud trewe of chastite most cleene, [Emerawde. clene.] 
                                  Line 215 
                                
                                  Which nat-withstandyng thi kyngli hih estat
                                
                                  For Cristis feith suffredist peynes keene: [Crystes. kene.] 
                                
                                  Wherfore of mercy, my dulnesse to sus|teene,
                                
                                  Into my brest sende a confortatiff [breest.] 
                                
                                  Of sum fair language, tenbelisshe with thi liff! [to e.] 
                                  Line 220 
                                
                                  Send doun of grace thi licour aureat
                                
                                  Which enlumynyth these rethoriciens [enlvmyneth.] 
                                
                                  To write of martirs ther passiouns laureat,
                                
                                  And causith also these fressh musiciens,
                                
                                  Fals lust auoided of epicuriens,
                                  Line 225 
                                
                                  Of glorious seyntes the tryumphes forto synge
                                
                                  That suffred peyne for Crist in ther leuynge! [suffryd.] 
                                
                                  Now, glorious martir, of Bury cheef patroun, [chef.] 
                                
                                  In Saxonie born of the blood roial,
                                
                                  Conueie my mater, be my proteccioun— [conveye. matere.] 
                                  Line 230 
                                
                                  Sithe in thi support myn hope abidith al; [your st. thi. suppoort. hoope. abydeth.] 
                                
                                  Directe my penne of that I write shal!
                                
                                  For, so thi fauour fro me nat ne twynne,
                                
                                  Vpon thi story thus I wil be-gynne". [ryght thus.] 
                                
                                  IN Saxonie whilom ther was a kyng,
                                  Line 235 
                                
                                  Callid Alkmond, of excellent noblesse, [Alkemond.] 
                                
                                  A manli prince, vertuous of leuyng, [lyvyng.] 
                                
                                  And ful habounde of tresour and richesse, [habunde.] 
                                
                                  Notable in armys, ful renommed of prow|esse, [renomyd.] 
                                
                                  A semly persone, hardi and corageous, [semely. coragious.] 
                                  Line 240 
                                
                                  Mercurie in wisdam, lik Mars victorious,
                                
                                  Eyed as Argus be vertuous prouidence,
                                
                                  And circumspect as famous Scipioun;
                                
                                  In kyngli honour of most excellence
                                
                                  Holde in his tyme thoruh many a regioun.
                                  Line 245 
                                
                                  But nat-withstandyng his famous hih re|noun,
                                
                                  He so demened his hih noblesse in deede [demenyd. dede.] 
                                
                                  Aboue al tresour to loue god and dreede.
                                
                                  In wordli honour thouh he were fort|unat, [worldly. were fortunat ist ausgelassen.] 
                                
                                  Set in a chaier of kyngli dignite,
                                  Line 250 
                                
                                  He koude knowe in his roial estat [cowde.] 
                                
                                  Aboue alle kyngis god hath the souereynte, [kynges.] 
                                
                                  And aduertisid in his most mageste [aver|tysed. maieste.] 
                                
                                  That sceptre or crowne may litil auaile or nouht [lite avaylle. noght.] 
                                
                                  To hem that loue not god in herte and thouht. [them.] 
                                  Line 255 
                                
                                  God makith kyngis and god kan kast hem doun, [kynges. can cast.] 
                                
                                  Chastisith the proude, the meek he kan auaunce, [Chastiseth. meke.] 
                                
                                  Lyk ther merites he yeueth hem ther guerdoun [yevith them.] 
                                
                                  And hem aquytith aftir ther gouernaunce: [aquyteth.] 
                                
                                  This hadde Alkmond ful weel in remem|braunce, [Alkemond. wel.] 
                                  Line 260 
                                
                                  Which in his grettest and most magnifi|cence
                                
                                  To god disposid to do most reuerence. [dysposed.] 
                                
                                  For euery thyng that to god was dewe,
                                
                                  Al obseruances heuenly and deuyne [Alle. dyvyne.] 
                                
                                  This worthi kyng ful lowly wolde sewe,
                                  Line 265 
                                
                                  His roial crowne meekly to him enclyne. [mekly.] 
                                
                                  Thus in two wise his noblesse dide shyne: [did.] 
                                
                                  Toward the world, in knyhtly hih prowesse,
                                
                                  And toward god, in parfit holynesse. [263—9) im Ms. durchgestr.]  [parfight.] 
                                
                                  And of his noblesse ferthere to declare,
                                  Line 270 
                                
                                  A wif he hadde, the story berith witnesse, [wyff.] 
                                
                                  A worthi pryncesse, and callid was Siware. [that st. and.]

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 381
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/553:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 22, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item