Altenglische legenden.

                                
                                  Bot þer-of we muste a whyll dwelle,
                                
                                  Iff I schall of þe wey telle.
                                
                                  As Jhesus by þe wey ȝede,
                                
                                  He fond a Jew sawynge hys sede;
                                  Line 640 
                                
                                  He askyd "what sawys þou onys?"
                                
                                  And he seyd "I saw stonys".
                                
                                  And Crist seyd "stone mot þei be":
                                
                                  And truly þer lyes grete plente. —
                                
                                  The nex(t) thinge after, þat I cane ȝou telle,
                                  Line 645 
                                
                                  There is þe graue of Rachelle,
                                
                                  And oþer prophetys graues, one or two, [Elias' und Abacucks Haus lag da.] 
                                
                                  There lyȝet in þe wey, as we schuld go.
                                
                                  Off Bedlem I wyll not lyȝe,
                                
                                  Bot þat I saw þer with myne eye.
                                  Line 650 
                                
                                  Fore, þer þat the asse & þe ox stode,
                                
                                  Is now a feyre chyrch & gode; [Die Krippe lag 3 Stufen tiefer als die durch einen in Marmorpflaster in Grau und Roth ausgelegten, prächtig geschmückten, Stein bezeichnete Geburtsstätte. chyrch bez. wol Kapelle od. Krypte.] 
                                
                                  And þer owre lady in child-bede ley,
                                
                                  There (is) a feyre chyrch, I dere wele sey;
                                
                                  Beȝond þat is þe same stone
                                  Line 655 
                                
                                  That oure lord was cyrcumsy(se)d vpone,
                                
                                  And þer he blede hys fyrst blode
                                
                                  That euer he bled fore mannys fode.
                                
                                  Bot why he(!) layd hym in þe stalle,
                                
                                  That schall I tell amonge ȝou alle:
                                  Line 660 
                                
                                  Fore þer was no thinge so redy
                                
                                  That schuld longe to sych a lady,
                                
                                  Feyre clothys & werme fyre,
                                
                                  That women in trauell schuld desyre;
                                
                                  Than chefe þei þe wermyst place of all
                                  Line 665 
                                
                                  And leyd hym in an asse-stalle.
                                
                                  The ox and þe asse dyde curtasly
                                
                                  And gaue hym place, onne to ly,
                                
                                  And euer-more with eyn gray
                                
                                  Oure (lord) beheld how he ley.
                                  Line 670 
                                
                                  And whe(n) þe bed was dyȝht aboute,
                                
                                  Sche prayd þat sche myȝht gyff hym souke.
                                
                                  And now ȝe schall here þe metynge
                                
                                  Betwyx oure lady & hyre derlynge: [V. 673—4 sind im Ms. nach 688 nochmals wiederholt.] 
                                
                                  Sche sey(d): "welcome heuen kynge,
                                  Line 675 
                                
                                  Welcum makere of all thynge,
                                
                                  Welcome prince in trinyte,
                                
                                  That is & was & euer schall be!
                                
                                  Welcum both god & man,
                                
                                  Welcum my lord, welcum my sone,
                                  Line 680 
                                
                                  Welcum my Joy, welcum my blys,
                                
                                  With all my hert þat I may þe kys!
                                
                                  In heuen blyssed be þi name,
                                
                                  That wold chese me to be þi dame!
                                
                                  So rych a emperour & a kynge
                                  Line 685 
                                
                                  To be borne of so vnworthy a thinge!"
                                
                                  And than sche praysyd hym all aboute
                                
                                  And with hyre pappys gaue hym sowke.
                                
                                  At Iche of þis, þer pylgryme be, [I. þis placys.] 
                                
                                  There is "a pena & a culpa", at all thre.
                                  Line 690 
                                
                                  Then passyd we in-to a valey,
                                
                                  The(re) C & XLIIII M. ley
                                
                                  Of chylder þat dyȝed fore godys sake,
                                
                                  When cursyd Herod of hem toke wrake.
                                
                                  And in þat place, with-outene doute,
                                  Line 695 
                                
                                  Seynt Jerom wrote þe bybull aboute.
                                
                                  Then wente we arly onne þe morne [Die folg. Stätten. liegen im Gebirge Judae, über welches die Pilger nach Jerusalem zurückkehrten.] 
                                
                                  There seynt Johne baptyst was borne. [An dieser Stätte war eine Kirche, vgl. 734.] 
                                
                                  Than wente we in-to a grete valey
                                
                                  There Adam duellyd many a dey,
                                  Line 700 
                                
                                  And he is beryd a lytell þer-fro —
                                
                                  Bot no crystyne mane may come þer-to.
                                
                                  And þer is mekyll of þe story
                                
                                  Of þe hous of Ȝakary.
                                
                                  There me(tte) two ladys feyre & bryȝht—
                                  Line 705 
                                
                                  Truly, it was a wele feyre syght!
                                
                                  The ōne was past chyld-byrth be kynd,
                                
                                  The oþer was vergyne feyre & hend
                                
                                  And neuer dyde synne, in boure ne in halle,
                                
                                  And bore þat chyld þat schall saue vs alle.
                                  Line 710 
                                
                                  When Elyȝabeth of Mary hade syght,
                                
                                  Sche prophesyd anone ryȝht
                                
                                  And askyd: "what may þis meruylle be
                                
                                  That godys modere commys to me?
                                
                                  The chyld þat is in my wome so ȝonge,
                                  Line 715 
                                
                                  Reiofet, Mary, at ȝoure comynge.
                                
                                  All þat I haue is at ȝoure wylle,

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 364
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/535:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 25, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item