Altenglische legenden.

                                
                                  When Jhesu come throuȝe a walle
                                  Line 555 
                                
                                  And bade: "pesse be to ȝou alle!"
                                
                                  And than he askyd Thomas of Ynde
                                
                                  What skyll he hade to be vnkynde,
                                
                                  And schewyd hym hys wondys wyde
                                
                                  And bad hym pute his hond in his ryȝht syde;
                                  Line 560 
                                
                                  When Thomas hade rowyd in his wonde,
                                
                                  He wepe full sore & fell to groūnde
                                
                                  And lyft vp hys hondys on hyȝht
                                
                                  And cryed mersy with all hys myȝht.
                                
                                  To any of þis IIII þat ȝe gone,
                                  Line 565 
                                
                                  Is "a pena & cu(l)pa", euerychone.
                                
                                  With-outen þe dore a place we sey, [An dieser Stätte war ein "steinern Mäuerlein, wie ein Altar zusammengeleget" (so Landgr. Wilh.).] 
                                
                                  There oure lady duellyd many a dey,
                                
                                  XIIII ȝere after þat Cryst was dede,
                                
                                  And prayd þer many a holy bede;
                                  Line 570 
                                
                                  And þer seynt Johne þe ewangelyste
                                
                                  Songe messe to hyre, when sche lyste.
                                
                                  And þer was seynt Mathey
                                
                                  Chosyne in-to þe co(m)peney.
                                
                                  Beȝond þat in þe same coste [Nach and. Berichten soll Maria in ihrem Wohnhause gestorben sein.] 
                                  Line 575 
                                
                                  Oure lady dyȝed & ȝeld þe goste,
                                
                                  And sche toke Johne þer þe palme-tre
                                
                                  That was brouȝ(t) hyre in-to Galyle.
                                
                                  On þe oþer syde is Cayfas halle,
                                
                                  And þeder wente we pylgryms alle;
                                  Line 580 
                                
                                  And þer we fonde a pylere pyȝht
                                
                                  That Jhesu was bound to in þe nyȝht;
                                
                                  And þer þei sette hym on a stole
                                
                                  And blyndfeld hym as a fole,
                                
                                  And when þei bofsyd hym faste,
                                  Line 585 
                                
                                  They askyd hym who smote hym laste;
                                
                                  Than Cayfas seyd in hys Jugemente:
                                
                                  "Bot he be dede, þe pepull is sohente".
                                
                                  There is a stone both longe & brode,
                                
                                  Mekyll more þan a carte lode,
                                  Line 590 
                                
                                  That on þe sepulcour of oure lord ley
                                
                                  When Cryst rose & wente hys wey;
                                
                                  And onne þat stone was blode rede,
                                
                                  That Cryst bled onne, sen he was dede.
                                
                                  That ston þe Grekys hath in kepynge
                                  Line 595 
                                
                                  In wy(r)schype of oure heuen kynge.
                                
                                  On þe oþer syde we fond a stone
                                
                                  That Dauyd made þe satere vpone,
                                
                                  And þer lyes beryd also,
                                
                                  And oþer prelatys many mo.
                                  Line 600 
                                
                                  Than wente we to þe "feld of blode", [þe feld of blood = Hakeldama, Begräbnissort der Fremdlinge, für des Judas 30 Silberlinge erkauft; es lag gegenüber Sion an einem Berge am Rande des Tales Hinom. to = in der Richtung auf.] 
                                
                                  There Peter to hys penans ȝode
                                
                                  Be-cause he hade hys god foresake:
                                
                                  He toke on hys body mekyll wrake,
                                
                                  He wronge hys hondys & drew hys here
                                  Line 605 
                                
                                  And cryed mersy, "lord, thy nore!"
                                
                                  And euer when-he askyd grace,
                                
                                  The water ranne doune by hys face.
                                
                                  Than wente we forth onne oure weye
                                
                                  To þe well, þat oure lord dronke of euery deye;
                                  Line 610 
                                
                                  Two herymetys þat there duelle
                                
                                  Calle it "oure lordys welle".
                                
                                  And þer þe apostylles all-infere
                                
                                  Bare oure lady on a bere,
                                
                                  And when þe Jues come in gret deray
                                  Line 615 
                                
                                  And wold haue drawyne þe body awey,
                                
                                  And fore þei wold haue done here schame:
                                
                                  Some wex wode & some wex lame;
                                
                                  Than couth þei no more sey
                                
                                  Bot cryed mersy & welowey;
                                  Line 620 
                                
                                  Than Peter held stylle þe bere
                                
                                  And ansuerd þem on þis manere:
                                
                                  He þat askys mersy with herte & thouȝt,
                                
                                  He schall haue foregyffnes (of) þat he has wroȝht.
                                
                                  In godys name all-infere
                                  Line 625 
                                
                                  Spyte no more on Jhesu moder dere!"
                                
                                  Fast-be (is) a tempulle feyre & fre; [S. Jacob's Kirche, nahe beim Berge Sion.] 
                                
                                  There mete Jhesu with meydens thre:
                                
                                  The(re) is a crosse made in a stone,
                                
                                  There pylgrymes knelys & kys Ichone.
                                  Line 630 
                                
                                  Beȝond þat is anoþer stede,
                                
                                  There seynte Jame was quyke & dede.
                                
                                  There is þe serkyll of þe toūne aboute,
                                
                                  Sex myle with-outen doute. — [folio 134] 
                                
                                  And sex myle we wente on þe morne [es sind 2 deutsche Meilen.] 
                                  Line 635 
                                
                                  To Bethlem, where oure lord was borne.

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 363
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/534:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 23, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item