Altenglische legenden.

                                
                                  And cryeden & sayden wyth heye steuene
                                  Line 820 
                                
                                  Þat þey weren holle & sounde þer þo ally-fere.
                                
                                  Þere was gret solace, murthe & gret ioy,
                                
                                  & mony a sekemon was made þer holle & sounde;
                                
                                  And also bellus rongon & maden gret noy
                                
                                  With-ouȝt ony touchyng of monnus honde.
                                  Line 825 
                                
                                  And when þey knewen & herden þe bellus ryng & knylle
                                
                                  So schryll with-ouȝt ony touche of monnus honde,
                                
                                  Seynt Wilfride went anon þe tombe tylle,
                                
                                  And Sexburwe went anon þo doune in-to þe grounde.
                                
                                  Bot when seynt Wilfride hadde y-seye alle this,
                                  Line 830 
                                
                                  In his hert forsothe he was wondre gladde,
                                
                                  & doune in-to þe tombe with Sexburwe y-gon he is,
                                
                                  And tweyn other bysshoppus with hym he ladde,
                                
                                  And touchede þe chest þo he dude with his honde
                                
                                  And þerof he toke away þe lede þo after anone:
                                  Line 835 
                                
                                  And hurre blessude body as hole þer lygȳnge he fonde
                                
                                  As euer hit was with-inne þat chest y-done; [folio 269] 
                                
                                  As whyte, as rody and as freysshe
                                
                                  Hurre fayre body was þer as hit þo lay,
                                
                                  And with-ouȝt ony corrupcione of hurre fleysshe,
                                  Line 840 
                                
                                  Ryȝt as þaw hit hadde ben leyde with-in þe chest þat same day;
                                
                                  Hurre lures weron white as ony lely floure,
                                
                                  Y-meynde with rod ryȝt, as hit was best,
                                
                                  And hurre body was of þe same coloure,
                                
                                  Ryȝt semely and sote and eke full honest;
                                  Line 845 
                                
                                  And þe grete suellyng þe whyche was her nekke abouȝt,
                                
                                  Was vanysshede a-way and nothyng seuene, [Ms. seuene, wie sewen Genes. 1195, = sene.] 
                                
                                  And þe wonde was clene holle, with-ouȝt ony douȝt;
                                
                                  And alle hurre body lay þer bothe streȝt & euene.
                                
                                  Hurre body lay þer as semely in euerichemonnus syȝt,
                                  Line 850 
                                
                                  Ryȝt a-lyue as þaw hit ȝet were,
                                
                                  Þorwe þe grace of goddus holy myȝt.
                                
                                  Suche gret myraclus were done þere.
                                
                                  Bot when Sexburwe, þat holy blessude abbas,
                                
                                  Saw how semelyche & how holle þat body ley þere,
                                  Line 855 
                                
                                  In hurre hert for-sothe fulle gladde he was,
                                
                                  And þongede god mekeliche with gode chere
                                
                                  And sayde: "Jhesu, y-blessude mot þy nome be
                                
                                  Euer, lorde god, with-ouȝten ony hende,
                                
                                  For þou deydust for owre soule vpone þe tre
                                  Line 860 
                                
                                  With fulle meke hert & fulle hende."
                                
                                  Bot þey tokon vp þis fayre body anone þo,
                                
                                  And with ryȝt mery song & melode,
                                
                                  And to þe heyȝe auter þere-with þey duden go
                                
                                  With fayre processione & ryȝt gret solemnite,

                                  Line 865

Pages

Index

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 301
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/472:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 23, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item