Altenglische legenden.

                                
                                  Þat was so follych and so redy y-dyȝt
                                
                                  To resayue þat body þat ley þere in graue.
                                
                                  Bot anone by grace þer come a mone
                                  Line 730 
                                
                                  Þat dwelt neyȝe þer-byside in þat contrey,
                                
                                  And sayde: "sires, what do ȝe to þat fayre stone?
                                
                                  For hit motte to þe abbay of Hely.
                                
                                  For to me to-nyȝt þer come a fayre semely lady in gode aray
                                
                                  & he hathe y-bouȝt þis marbull-stone of me,
                                  Line 735 
                                
                                  And ychaue y-seuryd hurre by my fay
                                
                                  To carie hit to þe fayre abbay of Hele".
                                
                                  Bot Cynfrey stode styll þo & speke ryȝt nouȝt,
                                
                                  And in his hert he was bothe gladde & blythe,
                                
                                  And for þis meracle, þat was þer þus y-wrouȝt, [Ms. sithes mit durchstr. s.] 
                                  Line 740 
                                
                                  He þongede god oft & fele sithe;
                                
                                  And sayde: "sire, what lady was þat
                                
                                  Þe whiche hathe y-bouȝt þis fayre stone of þe?"
                                
                                  "Trewliche, sire, he sayde, y not.
                                
                                  Bot a fulle semely lady, forsothe, was he,
                                  Line 745 
                                
                                  A mantyll of sable þat lady werede vpone;
                                
                                  And a religiose womon, forsothe, me þouȝt, was he.
                                
                                  And with full gret lyȝt he come to me þon,
                                
                                  And þuse wordus forsothe he sayde to me
                                
                                  And he askede me: wherre þat iche wolde sylle
                                  Line 750 
                                
                                  Þis marbull-stone so fayre & so fre,
                                
                                  And sayde þat hurre sustre hadde gret nede þer-tylle,
                                
                                  Þe whiche was, as he sayde, þe abbas of Hely.
                                
                                  And y sayde anon: " "ȝe, my lady so dure" " —
                                
                                  For y durst not to hurre say nay:
                                  Line 755 
                                
                                  So semely he was & so gladde of chure.
                                
                                  And anon after to me thus dudde he say:
                                
                                  "'And also þou most carie hit þedur now anone—
                                
                                  & hye blyue þou most, þat hit were y-do!
                                
                                  And other thre men, þat han ferre y-gone,
                                  Line 760 
                                
                                  Wollen come þedur & help welle þerto. [folio 268] 
                                
                                  And haue here, he sayde, þy heyre þer-fore,
                                
                                  A ryng of golde, bothe riche and gay!'"
                                
                                  And of hurre seythe y saw nomore,
                                
                                  Bot thus he past forth from me a-way".
                                  Line 765 
                                
                                  "Now treweliche, felowys, quad mayster Cynfrey,
                                
                                  Þis lady þat hath y-bouȝt here þis stone
                                
                                  Hit was myn owne lady, seynt Awdrey—
                                
                                  For treweliche other womon was hit none.
                                
                                  Bot heye ȝow fast now & haue y-donne,
                                  Line 770 
                                
                                  Þat þis fayre ston were caryede from þis plase away!
                                
                                  For iche wold be gladde, were hit fayre brouȝt home þonne,
                                
                                  Þat blessude fayre body þerinne to lay".

Pages

Index

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 299
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/470:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 23, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item