Altenglische legenden.

                                
                                  Bot on þe morwe, when hit was clere day,
                                
                                  Þey reson vp full smertlyche þo euerychon,
                                
                                  And þouȝten þat þey wolden passe forth vpon hurre way
                                
                                  Abouȝt all þat contrey, to seche þat stone.
                                  Line 685 
                                
                                  Bot Cynfrey past forthe þo by an olde walle,
                                
                                  And ȝerne he souȝt abouȝt þere in þat mortyde:
                                
                                  Bot at þe last he saye where a ston lay as whytte as whall, [folio 273] 
                                
                                  Leygynge þer a litull hem all bysyde.
                                
                                  "A, brethren, quad Cynfrey þo, me thenguþ y now ȝonde se [Ms. brothren in brethren corr.] 
                                  Line 690 
                                
                                  A fayre stone, y-shape ryȝt welle þerfore.
                                
                                  Comethe hedur, y ȝow prey, all now with me!
                                
                                  For þis ston was y-shewyd to me here byfore:
                                
                                  For, treweliche, by visione to-nyȝt þer come to me
                                
                                  A semely man, þe whiche was of gret age,
                                  Line 695 
                                
                                  His berde was feyre & whyte, his body was fre,
                                
                                  Forsothe he hadde a ryȝt fayre vyȝage;
                                
                                  A kyng me þouȝt hit hadde y-be,
                                
                                  Or ellus a mon of fulle heyȝe parage;
                                
                                  And þuse wordus he sayde þo to me
                                  Line 700 
                                
                                  Opynliche in oure owne langage:
                                
                                  "'Cynfrey, quad he, þou hast ferre & wyde y-gone
                                
                                  Alle þis contrey wyde all-a-bouȝt,
                                
                                  Forto seche a fayre marbull-stone:
                                
                                  Lowe where a fulle fayre stone leythe with-ouȝt douȝt.
                                  Line 705 
                                
                                  Loke vp, he sayde, & se hit with þyn ynon ryȝt welle:
                                
                                  For lowe where hit leythe by-side þe ȝondere walle,
                                
                                  Kyndliche y-wrouȝt for hurre euery-delle,
                                
                                  Redy, to resayue hurre clene body now alle'".
                                
                                  And with þat worde anone he past forthe away
                                  Line 710 
                                
                                  Clene ouȝt of my seyȝt þethon anone.
                                
                                  & y loked hym þo after: & me þouȝt þo þat y seye
                                
                                  Leygynge ryȝt here þis same stone".
                                
                                  And þey kneledone a-doune þo þere euerichon
                                
                                  And thongude god þo with alle hurre myȝt,
                                  Line 715 
                                
                                  Þat ȝaff hem grace to fynde suche a stone,
                                
                                  For hure body so mete & so clene y-dyȝt;
                                
                                  For þat ston was well ygraue euery geyntte
                                
                                  Þat holy body to close alle holle with-inne,
                                
                                  With ryȝt curiose crafte eueryche a neynche; [a neynche = an inch.] 
                                  Line 720 
                                
                                  Þer myȝt no fauȝt be founden þer-inne.
                                
                                  Þey weron þo fulle gladde & þongeden god fulle fast
                                
                                  Of þat gret grace, þat hadde hem y-sende.
                                
                                  Bot of cariage þey were þo full sore agast,
                                
                                  And prayede to god with hert fulle hende
                                  Line 725 
                                
                                  To ȝeue to hem bothe grace and myȝt
                                
                                  Þat ston to carie to Hely bothe sounde & saue,

Pages

Index

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 298
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/469:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 22, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item