Altenglische legenden.

                                
                                  Mony sekemen hadden þere hurre hele
                                
                                  & restorynge of hurre lemys þey hadden þer also,
                                
                                  And blynde men & crokyd mony & fele,
                                  Line 595 
                                
                                  Þe whiche þedur come, holle & sounde þey went þerfro.
                                
                                  And mony a meracle byforen hurre tombe þer weren y-donne,
                                
                                  And sekemen weron þer y-helyd monyonne;
                                
                                  Mony þat came þedur, bothe deyffe & doume,
                                
                                  Holle & sounde þey wenton home þonne.
                                  Line 600 
                                
                                  What ryȝtwys bone, forsothe, þat ony mone badde
                                
                                  Of þat blessude virgyn Etheldrede:
                                
                                  His wille, forsothe, after anone he hadde,
                                
                                  Or of what-monere sekenesse þat he of hurre his hele bede.
                                
                                  So mony meracles god þer þo wrouȝt
                                  Line 605 
                                
                                  By-cause of þis blessude virgyn seynt Awdre,
                                
                                  Þat to seynt Wylfride & to Sexburwe hit come in þouȝt
                                
                                  To make a tombe of ston, to ley in hurre body fre.
                                
                                  Bot þat contrey was lowe & mersshy, watery londe,
                                
                                  And with watrys & marrys y-closot all-abouȝt,
                                  Line 610 
                                
                                  And gret sca(r)senesse of stonys þer was, yche vnderstonde.
                                
                                  Wherfore, to seche a ston, in ferne contrey þey senden men ouȝt.
                                
                                  Bot þen when þuse men hadden ryȝt wyde y-gone,
                                
                                  Þorow-ouȝt alle þe contrey in yche syde,
                                
                                  Ȝet myȝt þey not fynde non sufficiant stone,
                                  Line 615 
                                
                                  Bot comen hom aȝeyn & tolden so seynt Wilfride. [folio 272]  [Die folg. Blätter sind im Ms. unrichtig gebunden, die Fortsetzung folgt erst auf fol. 272.] 
                                
                                  Bot seynt Wylfride bare hit still in his mynde
                                
                                  And preyede to god, somme grace of hym to wynne
                                
                                  Suche a ston in þat contrey sum-where to fynde,
                                
                                  Þis blessude body to leyge with-inne.
                                  Line 620 
                                
                                  And anon after, as seynt Wylfride ley in his bed vpone a nyȝt—
                                
                                  Bot he nas not fulliche ȝet a-slepe:
                                
                                  Hym þouȝt þat he sey an angel fulle bryȝt
                                
                                  Stondynge at his beddus fete,
                                
                                  And þat with hym come a ryȝt gret lyȝt.
                                  Line 625 
                                
                                  And holy Sexburwe forsothe also he hurre-self sayde
                                
                                  Þat þe same tyme he sawe þylke same syȝt—
                                
                                  Bot Sexburwe thouȝt hit was a semely mayde—
                                
                                  And also þat he come þedur with gret leyȝt [V. 629 ist zu tilgen.] 
                                
                                  Bot he spake on worde to hem bothe.
                                  Line 630 
                                
                                  Bot Sexburwe, when he hit seye, was sore agast;
                                
                                  & hurre þouȝt þat he sayde: "y nyll, Sexburwe, do þe no lothe.
                                
                                  Bot knowe ȝe welle þat sixstene ȝere ben fully past,
                                
                                  And god wolde my body were vp of þe vrthe y-take
                                
                                  And y-putte in-to gretter worshippe, y-wys.
                                  Line 635 
                                
                                  And, also, Wylfride, þou shalt hastely þe worde forsake
                                
                                  & come vp to me in-to heuene blys.

Pages

Index

About this Item

Title: Altenglische legenden.
Author: Horstmann, Carl, ed. b. 1851.
Canvas: Page 296
Publication: Heilbronn,: Gebr. Henninger,; 1881.
Subject terms: Saints -- Legends; English poetry; Legends

Technical Details

Collection: Corpus of Middle English Prose and Verse
Link to this Item: https://name.umdl.umich.edu/afw1383.0001.001
Link to this scan: https://quod.lib.umich.edu/c/cme/afw1383.0001.001/467:4

Rights and Permissions

The University of Michigan Library provides access to these materials for educational and research purposes. These materials are in the public domain. If you have questions about the collection, please contact [email protected]. If you have concerns about the inclusion of an item in this collection, please contact [email protected].

DPLA Rights Statement: No Copyright - United States

IIIF

Manifest: https://quod.lib.umich.edu/cgi/t/text/api/manifest/cme:afw1383.0001.001

Cite this Item

Full citation: "Altenglische legenden." In the digital collection Corpus of Middle English Prose and Verse. https://name.umdl.umich.edu/afw1383.0001.001. University of Michigan Library Digital Collections. Accessed June 24, 2025.

Altenglische legenden.

Annotations Tools

Actions

About this Item

Technical Details

Rights and Permissions

Related Links

IIIF

Cite this Item