And þedyre come þe abbot & þe couent of Hayle
Wyt þare processyon ful honestly,
Line 310
And þare resaywed hym wyt-outyn fayle
Full fayre & also full worchefully. [worchefully st. worschepfully.]
Þare was onone a tente vppe-pyght,
In lordys maner, full ryall & gay,
And a fayre auter þer-wyt-in was dyght
Line 315
Wyt clothes of golde & oþer ryche aray.
Tythynges were sprong þe contre all a-bowte,
In-to dyuerse place, bothe fare & wyde.
Þedyre come pepull a full grete rowte,
Rennyg forthe be euere syde.
Line 320
Onone a sermone was sayd þere,
Þat dyde þe pepull full mekyll gode:
Þare he exponyde all þe matere
How Eryll Edmunde gate þis precyus blode.
And þe pepull kneled all downe
Line 325
And hally thankyd god all-myght.
Onone þe Erylle wyt grete dewocyone
Lete schew þe blode in all mens syght.
Þare þai myght se men bothe lagh & wepe —
Þai ware so ioyfull of þat syght;
Line 330
Sum on þer knes þan gan crepe
To do it worchep, at it was ryght.
And wen all þis was þus-gate do,
Bothe abbotes & couentes wyt-owtyn fayle,
And þe blyssyd Erylle wyt þam also,
Line 335
Went wyt processyon ewen forthe to Hayle.
Ayþer couent toke a syde of þe quere,
Wyt melody, Joy and syngyng.
Þe abbottes went wyt Eryll to þe hee|autere:
Þat bare þat swete blode for hys offerryng.
Line 340
On holy-rode-day in herwest, þe sothe to say,
Was done all þis solempnyte.
Þe abbot of Wynchecombe toke home hys way
And hys couent wyt hym, fayre fre.
Þe ȝere of oure lordes in-carnacyone
Line 345
A thowsant two hundered thre score & tenne.
Bot aftyre þat Eryll Edmundes dewo|cyone
Was more to þe abbay of Hayles þenne:
For þe holy blode dyd slyke reuerance:
He bygyd a chapelle þer fayre, wyt fywe auteres abowte;
Line 350
Opon þam he spared no spence, —
For þai be ryall enoght wyt-in & wyt|owte.
A schryne he made also, a nobull & a ryche,
Of golde & syluur & precyous stones —
In Yngland þer were bot few hym lyche,
Line 355
For it was ordand for þe nones.
And syr Godfray Gyfford, byschope of Wyrceterre,
At þat Eryll Instance and hys prayere
He heloed þat place, to be þe better, [heloed = hallowed.]
And also gret (pardon) he grawnte þere: [pardon? Das Wort ist absichtlich durchstrichen, wie pope u. Urban an and. Stellen.]
Line 360
Þe thursday aftere þe trinite, verament,
Þat holy es & haldyn fra ȝere to ȝere
At reuerance of þat holy sacramente
Wyt all cristyn pepull, bothe fere & nere,
Þe ȝere of oure lordes Incarnacyone
Line 365
A thowsand tw(o) honderyd thre score & sewentene. [Ms. tw.]
Wylk day for oure saluacione
All cristyn pepull heloy(n), as I wene. [Ms. heloy.]
Wen god dos merakylles fro day to day
