& purwayt for þaime gud herbry
& gert fynd þaime, till þai war þare,
All þat to þaime was necessare.
For god has schauyt hyme þat þai
War thankfull seruandis till hyme ay.
Line 1510
For-þi þe tyme þat þai duelt þare
He did þame honor fer þe mare, [Ms. fer od. for?]
& did his mycht with full gud will
To gere þame bath duell with hyme still.
Bot sanct Colme, þat wald na-wa be
Line 1515
For na requeste fra his cunctre,
His wayag hamewart tuk in hy:
Þane of þe cite þe clergy
Full increly mad hyme requeste:
Sene þat he duell nocht wald, at þe leste
Line 1520
Þat he wald thole ane of his þare
Duell, for-to preche goddis lare.
Thane was sanct Colme full gretumly
Abaisit, & his cumpany,
&, haffand ferly, held þame still.
Line 1525
Bot sanct Morise of goddis will
Sad till his master: "fadire dere,
Quhat-euire it be þat in þis were
Þat quhemfull be to ȝou to do,
As god hyme-selfe has sad ws to
Line 1530
It sall be done, I sa be me,
How paynefull or how hard It be".
"& þu, quaþ he to sanct Morise,
Blissit be ay, & now blissit is:
For-þi with Martyne & with me
Line 1535
Sall hewynlik are & falow be [Ms. are = heir.]
In hewynnis blisß, quhene þu art dede.
Bot ȝet sall þu duell in þis stede
Thre ȝere, in godis corne to wirk
& strenth and comfort haly kirk.
Line 1540
Þarefor strywe furth ay stalouartly
For-to confund oure ennymy,
& with preching & techyne wyne
Fra hyme þat he hankis in syne,
& in gud wark þi curß fulfill,
Line 1545
Quhill god in hewine þe tak hyme till
& of richtwisnes þi full far crowne
Þe giff in hewine to þi werdoune".
& quhene he þus had sad & mare,
But bad he buskit hyme to fare.
Line 1550
Bot sanct Morise, þat was ful wa
For-to depart his mastere fra:
To ger hyme duell a wile, cane lay
His hand one hyme & þusgat say:
"My dere fadire, quhat, thinkis þu
Line 1555
As alyene to leff me now
Ymang vnknawine mene & swa [folio 206]
Þi way in-to þi cunctre ga,
Or but lewe and þe benysone
Of sanct Martyne pas of towne?
Line 1560
It was nocht spedfull be na way".
Þane cane his maister till hyme say:
"Dere sone, suppos þat I hame fare,
Forsuth þe lewe sall I neuir-mare.
Bot god þis place has grathit þe
Line 1565
Ȝet all thire thre ȝere in to be,
& eftir of þat curs þe stryff
To hafe reward & lestand lyffe. [Ms. ho st. to.]
Bot ȝet, þi ȝarnyng till fulfill,
We will ga now þe bischope till
Line 1570
& ask of new his benysone
& leife, þat I ma paß of towne".
Þe bischope rase þane & hyme met
& tuk hyme & by hym set,
& fandit giff he ger hyme mocht
Line 1575
Leif his purpos & chang his thocht;
Bot he mycht nocht for na-kyne thing
Ger hyme leif purpos na etling.
With þat þe nycht come: & þat auld,
Þat for na prayere þane duell wald,
Line 1580
Tuk leif & haile þe benysone
Of þe bischope, & mad hyme bowne
In sanct Martynis kirk to walk [walk = wak; lk st. k ist Eigenthümlichkeit schott. Mss.]
& fulfill clergy for his sak.
& all þe nycht in prayer lay
Line 1585
Befor þe fertire to þe day.
&, as mene sais, þat nycht but were
To sanct Colme walkand cane apere [walk = wak; lk st. k ist Eigenthümlichkeit schott. Mss.]
Sanct Martyne suthfully & bad
Llang tyme and spekyne with hyme mad,
Line 1590
& þar þe buk of þe wangele
Þat in þe grawe was lad sume-quhyle
