Loke what þy pater noster sayth to þe
Lyke as y forȝeue forȝyf þou me
Line 400
Do þeraftur ȝyf þat þou wylte
So þat þy sowle be not spylte
Vpon all holy wryte y may put me
Wheþer y be curteys or not to þe
Be þou lered or be þou lewed
Line 405
The weye to heuen y haue þe shewed
Be þe tyxte of holy wryte
In what place þou wolte seke hyt
Therfor y bydde þe pay þe rente
That with þe fende þou be not shente
Line 410
Wyth me to blysse þen þou shalt come
And yn my blysse þou shalt wone
To þat blysse y may þe brynge
That of nowȝte made þe & all þyng
Line 414
Ihesu yn þat holy place
Graunte [In the MS. the sign for ra occurs above the n.] vs to se þy holy face Amen
Explicit
