ffor full of mercy y am trewly
Line 327
To all þo þat woll cryn for mercy
What shall hit greue to repente þe
And yn endeles joye to dwelle with me
Line 330
ffor þo þat woll no mercy crye
They go to helle when þey shall dye
Now when y haue oo worde spoken
My yen togeder y most lokene
Now synfull man haue pyte on me
Line 335
ffor þy owene sowle for charyte
Thys worde y most neþus speke
And þen myn herte shall to-breke
Consummatum est
þis chartur ys done
Man now hast þou ouercome þy fone
Line 340
Anon to helle y went þis charter to shewe
Before sathanas þat mykyll shrewe
Thus y hym shent & browȝt to grounde
Thorow my paynes of spytuus wounde
And after a couenante made þer was
Line 345
Betwene me & sathanas
All my catell to haue a-way
That he berafte me with his play
The þrydde day y rose & made a feste
To þe moste & to þe leste
Line 350
