But as loue bade me to do
Line 53
Myne owne skyn y tok þer-to
To gete my frendes y ȝaf good mede
Line 55
So doþ þe pore þat haþ gret nede
On a þursday a soper y made
ffrend & fo to make glade
With mete & drinke to soule fode
With holy word my fleysh and blode
Line 60
Þis I made for mankynde
My loue-dedys to haue in mynde
hoc facite in meam commemora|cionem
[folio 52]
Or I fro þe bord a-ros
Of my frend by-traied y was
He fonde me goande in þe way
Line 65
As þe lyon goþ to his pray
A curtel I had & cloþes mo
Alle y hadde sone for-go
Þey þat had þis chartre wryten
Þo was y naked wel mow ȝe wyten
Line 70
Þey casten lot as wold by-falle
Wheþer on shuld haue or parten alle
