Select English works of John Wyclif; edited from original mss. by Thomas Arnold.

Þere ben many witnessis and resouns to þe Trinite, but þis manere of lore is more plentenouse and more profitable to men; and herfore Crist seiþ it þus; and þus eche man shulde reule al his lyfe after þis holy Trinite, for ellis he must faile. Loke first þat he be groundid in stable bigynning, and siþ þat he procede in gracious mene, and siþ þat he ende in ful|nesse of charite, and þan his lyfe is ensaumplid aftir þe Trinite.