ten shal wraste þis harpe to a-corde welle. and many men failen in þis wrastyng & in goostly syngyng aftur; and so þis priuey sorowe of herte is no sacrament of þe churche, ne priuey rownyng late brouȝt inne, for sacramentis ben open & knowen. but whenne a man wiþ contrite herte shriueþ him opynly to god or man, þenne his voice, þat is token of his hooly sorowe of herte, may be cal [page 136] led a sacrament, as men knowen þat discriuen it. & þus we largen in sacramentis, for iche good sensible dede þat we don, or þat springiþ of mannes charite, may be callid a sacrament; and þus þre reisyngis of dede bodies þat crist dide, as þe gospel telliþ, may be called þre sacramentis, for þre turnyngis of man to god. Summe men turnen to god wiþ-inne, & summe aftur þat þei han synned wiþ-outward, and summe fro 1þat þei han1 [1_1 þat þat CC.] synned in custom; and þus þe rysyng of þe [omitted MM.] lasar was a grete sacrament, as men reden in þe churche. and antecrist may bigyle foolis bi sich lewde resouns as he makiþ, but goddis lawe telliþ wele þe falshed of suche resouns.
And ȝitt gruccheþ antecrist, and seiþ þat crist telliþ in þe [Cm 11m MM.] gospel how crist specified to petre to ȝyue hym þe keyes of heuen; and so petre mut haue a viker þat shuld specialy bere þe keyes, and þise keyes shulden opyn & bynde to for-ȝyue synnes, and opyn men heuen, & to curse oþur men þat don aȝen goddis lawe.
Here we seyne be goddis techyng þat mich errour is in þis poynt. Summe ben so nyȝ beestis, þat þei vndurstonden bodily keyȝes, by whiche heuen ȝates shulden be openid and stokune, [sperid MM.] & petur is porter in þis office. þe secounde errour in þis poynt is more perelouse in þe churche, for pharesees alargen her browes & gogelen fer [foule MM.] fro goddis lawe; þei seyn þat þise keyes ben goostly wittis & power, ȝyuen to hem to bynde & assoile men aftur þe witt approprid to hem; and herby [herfor CC.] þe fend feyneþ oft bi his viker antecrist many errours in þe churche, & doþe myche harme to foolis.
The þride weye of bileeue seiþ þat þer ben many keyȝes;
