(127. Hoccleve.)
¶ "If sche be deed, god haue hire soule, I preye;
Line 883
And so schal mo hereafter preye, I trowe.
He þat pretendiþ him of most nobley,
If he hire lakkë, [lak H R.] schal wel wyte & knowe
Þat crueltee, hire foo, may but a throwe
Line 887
Hym suffre for to lyue in any welþe;
Hertë petous, to body & soule is helþe. [But ever after in sorwe and vnwelthe R.]
Line 889
(128. Hoccleve.)
¶ "Ye oldë men of armës þat han knowe
Line 890
By syghte & by report hire worþynesse,
Lat nat mescheef tho men thus ouer-throwe!
Kythe vp-on hem youre manly gentillesse!
Ye yongë men þat entre in-to prowesse
Line 894
Of armes, eek youre fadres olde hunurith [honoure R, hunrith H (as in l. 706, p. 26).] ;
Helpe hem your self, or sum good hem procurith! [self with some gode of youre R.]
(129. Hoccleve.)
¶ "Knyghthode, awakë! þou slepist to longe; [folio 17a]
Line 897
Thy brothir, se, ny dyeth for myschief;
A-wake, and rewe vp-on his peynës stronge!
If þou heer-after come vn-to swych pref, [myschief R.]
Thow wolt ful sorë triste [thurst R (Compare H.'s 'streve' for 'sterve,' l. 868, p. 32).] after releef;
Line 901
Þou art nat seur what that ye schal be-fall:
Welth is ful slipir, be ware lest þou fall!
Line 903
(130. Hoccleve.)
¶ "Þou þat yclomben art in hy [hye R.] honoures,
Line 904
And hast þis worldës welth at thy deuys,
And bathist now in youthës lusty floures,
Be war, rede I! þou standist on þe ys:
It hath ben seen, as weleful [wilfull R.] and as wys
Line 908
As þou, han slide: and þou þat no pitee
On othir folk hast, who schal rewe on þe?
Line 910
