(103. Beggar.)
¶ "Now seyn þey þus—'I wistë wel al-way
Line 715
Þat him destroyë wolde his fool largesse;
I tolde hym so; & euer he seydë nay:'
And ȝit þey lyen, also [als H, as R.] god me blisse;
Þey me comforted ay in myn excesse,
Line 719
And seyde I was a manly man with-alle:
Hire hony wordys tornen me to galle.
Line 721
(104. Beggar.)
¶ "God, whiche of his benyngnë curteseye
Line 722
And of his cheerë [chere R, cheer H.] louyng tendirnesse,
He of his synful haþ nat wele [wille R, 'wele' is H's often spelling of 'will': see l. 749.] he die, [Scriptum est: Nolo mortem peccatoris, &c. (R. in margin, not in H).]
But lyuë for tamende his wykkednesse;
Hym thanke I, and his infynyt goodnesse;
Line 726
His gracë likiþ þat, þorght [thurgh R.] worldly peyne,
My soule eschapë may þe fendës cheyne.
Line 728
(105. Beggar.)
¶ "Iob hadde an heuyer fal þan I, pardee! [folio 14a]
Line 729
ffor he was clumben hyer in rychesse;
And paciently he his aduersite
Took, as þe byble berë can wytnesse;
And after-ward, god al his heuynesse
Line 733
Torned to ioye; and so may he do myne,
Whan þat it lykiþ to his myght dyuyne.
Line 735
(106. Beggar.)
¶ "Lord, as þe lyst, [thow lust R.] ryght so þou to me do,
Line 736
But euer I hopë seur ben of þat place
Whiche þat þi mercy boght vs haþ vnto,
If þat vs list for to suë þi grace.
A! lord almyghty, in my lyuës space,
Line 740
Of my gylt grauntë þou me répentaunce,
And þi strook take in greable [charitable R.] souffraunce.
Line 742
