(99. Beggar.)
¶ "O wher is now al þe wantoun moneye
Line 687
That I was maister of, and gouernour,
Whan I knewe nat what pouert was to sey?
Now is pouert þe glas and þe merour.
In whiche I se my god, my sauyour.
Line 691
Or [or R, of H.] pouert cam, wiste I nat what god was;
But now I knowe, & se hym in þis glas.
Line 693
(100. Beggar.)
¶ "And wherë be my gounës of scarlét,
Line 694
Sanguyn, murreye, & blewës sadde & lighte,
Grenës also, ánd þe fayre violet,
Hors and harneys, fresche and lusty in syghte?
My wykked lyf haþ put al þis to flighte;
Line 698
But certes ȝit me greueþ most of al,
My frendschipe is al clenë fro me fal.
Line 700
(101. Beggar.)
¶ "O while I stode in wele, I was honoured, [folio 13b]
Line 701
And many on, of my compáignie glad,
And now I am mys-lokyd on & loured;
þere rekkeþ non how wo [harde R.] I be bystad.
O lord! þis world [world R, wold H.] vnstabyl is, & vnsad,
Line 705
Þis world hunuriþ [honoureth R, hunriþ H.] nat mannës persone
ffor him self, sonë, but for good [God R.] allone.
Line 707
(102. Beggar.)
¶ "fful soþ fynde I þe word of salomon,
Line 708
þat to moneie obeien allë [all R, al H.] þinges; [Salamon. Omnia pecunie obediunt: (R. in margin, not in H).]
ffor þat my coyn & coynworþ is a-gon,
Contrarien þei my wille & my byddynges;
Þat in my welþë with here flaterynges
Line 712
Helden with me what þat I wroght or seyde,
Now disobeien þey þat þanne obeyde.
Line 714
