(95. Beggar.)
¶ "An office also hadde I lucratyf,
Line 659
An wan y-nowgh, god wot, & mochel more;
But neuer þoght I, in al my yongë [yonge R, yong H.] lyf,
What I iniustly gat, for to restore;
Wherefore I now repentë wonder sore;
Line 663
As yt mysgoten was, mys was despendid,
Of whiche oure lord god gretly was offendid.
Line 665
(96. Beggar.)
¶ "He sy I nolde absteenë for no good
Line 666
Of myn outragëous iniquitee;
And whan þat his lust was, with-drow þe flood
Of welþe, & at grounde ebbë sette he me;
With pouert for my gylt me feffed he,
Line 670
Swiche [Such R.] wrechë toke he for my cursyd synne;
No morë good haue I þan I stond inne.
Line 672
(97. Beggar.)
¶ "Gold, siluer, iewel, cloþ, beddýng, array, [folio 13a]
Line 673
Ne haue I non, oþir þan þou mayste se.
Parde! þis bare olde [this olde R.] russet is nat gay,
And in my purs so gretë sommës be,
Þat þere nys countour in al cristente
Line 677
Which þat hem can at any noumbre sette;
Þat schaltow se; my purs I wole vnschete.
Line 679
(98. Beggar.)
¶ "Come hider to me, sone, & look whedir
Line 680
In þis purs þer be any croyse or crouche,
Sauf nedel and þrede, & themel of leþer;
Here seest þow naght þat man may handil or touche;
Þe feend, men seyn, may hoppen in a pouche
Line 684
Whan þat no croys þere-innë may a-pere;
And by my purs, þe same I may seye here.
Line 686
