(79. Beggar.)
¶ "But he that flater can, or be a baude,
Line 547
And by tho tweynë, fressch array him gete,
It holden is to him honur & laude. [laude R, laue H.]
Trouth and clennessë musten men for-gete
In lordës courtës, for they hertës frete;
Line 551
They hyndren folk: fy vpon tongës trewe!
They displesaunce in lordës courtës breewe.
Line 553
(80. Beggar.)
¶ "Lo, sonë myn, þat [this R.] tale is at an eende:
Line 554
Now, goodë sone, haue of me no desdeyn,
Thogh I be old, and myn array vntheende;
ffor many a yong man, wot I wel certeyn,
Of corage is so prowde and so hauteyn,
Line 558
That to þe poore and old mannës doctrine,
fful seelde him deyneth bowen or enclyne.
Line 560
(81. Beggar.)
¶ "Senek seiþ, 'age is an infirmitee [folio 11a] [¶ Seneca ad Lucillum.]
Line 561
Þat lechë non can curë, ne it hele,
ffor to þe deþ next neghëburgh is he;
Ther may no wight þe chartre of lyf ensele, [¶ Nil cercius morte etc.]
The ende is deþ of male & of femele;
Line 565
No thyng is morë certein þan deþ is,
Ne more vncertein þan þe tyme I-wis.'
Line 567
(82. Beggar.)
¶ "As touchyng agë, god in holy writ [¶ Exodus. honora pa|trem & ma|trem, vt sis longeuus su|per terram.]
Line 568
Ryght þus seiþ: 'fader & moder honure, [Non-Chaucerian ryme -oure with -ure, as in the "Mother of God," &c. See Forewords to Hoccleve's Minor Poems, Part I, p. xxxix.]
Þat þou mayste be longlyued:' þus he byt.
Þan moot it folwen vpon þis scripture,
Age is a guerdoun to a crëature,
Line 572
And longlyuëd is non with-outen age;
Where-for I seye, in eld is auauntage.
Line 574
