(63. Beggar.)
¶ "Nay sothely, sone, it is al a-mys me þinkyþ;
Line 435
So pore a wight his lord to counterfete
In his array, in my conceyit it stynkith.
Certes to blamë ben þe lordës grete,
If þat I durstë seyn, þat hir men lete
Line 439
Vsurpë swiche a lordly apparaille,
Is [It is R. Cp. our modern slang "it is not good enough."] not worþ, my childe, with-outen fayle.
Line 441
(64. Beggar.)
¶ "Som tyme, afer men myghten lordës knowe
Line 442
By there array, from oþer folke; but now
A man schal stody and musen a long [muse a longe throwe R.] throwe
Whiche is whiche: o lordes, it sit to yowe
Amendë þis, for it is for youre prowe.
Line 446
If twixt yow and youre men no difference
Be in array, lesse is youre reuerence.
Line 448
(65. Beggar.)
¶ "Also ther is another newë get, [folio 9a]
Line 449
A foul wast of cloth and an excessyf;
Ther goth no lesse in a mannës tipet
Than of brood cloth a yerdë, by my lif;
Me thynkyth this a verray inductif
Line 453
Vnto stelthe: ware hem of hempen lane!
ffor stelthe is medid with a chekelew bane.
Line 455
(66. Beggar.)
¶ "Let euere lord, his ownë men deffende
Line 456
Swiche gret array, and þan, on my peryl,
This land within a whilë schal amende.
In goddys namë, putte it in exyl!
It is synnë outragïous and vyl;
Line 460
Lordës, if ye your éstat and honour
Louen, fleemyth this vicius errour!
Line 462
