(55. Hoccleve.)
¶ "Of oure feiþ wol I not despute at all;
Line 379
But, at a [o R.] word, I in þe sacrament
Of þe auter fully bileue, [beleue R, I bileue H.] & schal,
With goddës helpe, while life is to me lent;
And, in despyt of þe fendës talent,
Line 383
In al oþer articles of þe feiþ
Byleue, as fer as þat holy writ [I beleeue as holy writte R.] seiþ."
Line 385
(56. Beggar.)
¶ "Now good thrifte come vn-to þe, sonë dere!
Line 386
Þi gost is now a-wakyd, wel I se,
And som-what eke amendid is þi chere;
And firste I was ful sore a-gast of þe,
Lest þat þou thorgh thoght-ful aduersyte,
Line 390
Not haddest standen in þi feyþe a-ryght;
Now is myn hertë [hert H.] waxen glad & lyght.
Line 392
(57. Beggar and Hoccleve.)
¶ "Hast þou in me ony gretter sauour [folio 8a]
Line 393
Þan þat þou haddest first whan þou me sy,
Whan I opposyd þe of þi langour?
¶ Seye on þe soþë." "Ya, somdele," quod I.
¶ "My sone, in fayth, þat is seyde ful feyntly;
Line 397
Thi sauour yit ful smal is, as I trowe;
But or oght longe, I schal þe soþë knowe.
Line 399
(58. Beggar. [This and the 15 following stanzas occur as a separate poem in Laud 735, lf. 67, &c. (Bodl. Lib.), and I so printed em in my Queene Elizabethes Achademy (E. E. T. Soc.), p. 105.] )
¶ "I wote wel, sone, of me þus wold þou þinke:—
Line 400
Þis oldë dotyd Grisel holte him wyse,
He weneþ maken in myn heed to synke
His lewed clap, of which set I no pryse;
He is a nobil prechour at deuyse;
Line 404
Gret noyse haþ þorgh hys chynnëd [thynne R.] lippës drye
Þis day out past, þe deuel in his eye.
Line 406
